NÚMEROS 28:3 - Dios Rimashca Shimicunami

³ Paicunataca Mandaj Diosman cushpa rupachinataca caicunata cuchun mandai: Shuj huatata charij ishqui malta c'ari ovejata punllanta cuchun. Chaicunaca ima mana tucushca cachun. Chai shina cushpa tucui rupachinataca punllanta cucuchunlla.

NÚMEROS 28:3 Iomraidhean Croise

1 CRÓNICAS 16:40

Chishipish tutamantapish Mandaj Diosman animalcunata cushpa tucui rupachina altar jahuapi punllanta rupachishpa Mandaj Diosman cuchunmi chaipi saquirca. Ima shinalla ruranata Mandaj Dios israelcunata mandashca shinallatajmi rurana carca.

2 CRÓNICAS 8:13

Moisés mandashcapi nicushca shinallatajmi, imata yuyarina fiesta punlla cajpipish, chai punllapi rupachina animalta rupachij carca. Samana punllacunapi mushuj luna punllacunapi, huatanta yuyarina quimsa ch'ican ch'ican fiesta punllacunapimi chashna rupachij carca. Chai fiesta punllacunaca: Levadura illajlla tandacunata micuna punllacuna, semana fiesta punllacuna, yura ramacunahuan ramadacunata rurana punllacunami carca.

ESDRAS 3:5

Chai jahuami punllanta Diosman cushpa tucui rupachinacunatapish, mushuj lunapi cuna cashcatapish, Mandaj Diospajlla ch'icanchishca punllacunapi cuna cashcatapish, maijancuna Diosman cusha nishcamanta cushcacunatapish, Mandaj Diosman cusha nishcamanta cushca ofrendacunatapish curcacuna.

DANIEL 11:31

Paipaj soldadocunaca Diospaj huasitapish, torretapish yangatami ruranga. Punllanta Diosman cushpa rupachinatapish saquichingami. Chaita saquichishpaca millanana chingachijtami chaipi churanga.

DANIEL 12:11

Punllanta Diosman cushpa rupachinata anchuchishcapachamanta millanana chingachijta Diospaj altarpi churangacamaca 1.290 punllacunami canga.

DANIEL 8:11

Paica soldadocunata mandajtapish yallitaj jatun tucushpami c'ariyarca. Chaimi Diosman punllanta animalcunata huañuchishpa cunatapish anchuchishpa, Diospajlla huasitapish urmachirca.

DANIEL 8:13

Chai q'uipaca jucha illaj shuj rimacujtami uyarcani. Caishuj jucha illajcunamanta shujca chai rimacujtaca: “Diosman punllanta animalcunata huañuchishpa cunata anchuchishcapish, Diosta adorana huasitapish, paipaj soldadocunatapish chai mandajpaj maquipi churashpa saruchishpa, cashna millai juchata rurachun saquishcaca ¿maicamataj cangari?” nishpami tapurca.

LEVÍTICO 3:5

Chaicunataca, Mandaj Diosman tucuita cushpa tucui rupachina altar jahuapi Aaronpaj churicuna rupachichun. Chashna cujpimi Mandaj Diospajca sumaj mishquijlla ashnacuj canga.

LEVÍTICO 6:9

“Aarontapish, paipaj churicunatapish cashna mandai: Diosman tucuita cushpa tucui rupachinacuna ima shinalla ruranata yachachinaca cashnami: Diosman tucuita cushpa tucui rupachinataca, altar jahuapi nina rupacunpi chishimantaca pacaringacama tucui tuta rupashpa tucui rupachun churachun.

AMÓS 4:4

“Bet-el, Gilgal shuti pueblocunaman rishpa ashtahuan millaita rurashpa catichijlla. Cada tutamanta animalcunata cushpa huañuchichijlla, chungamanta shujta cunatapish cada quimsa punllapi cugrichijlla.

NÚMEROS 28:10

Cushpa tucui rupachinata, tallina vinota, punllanta cucushca jahuapish samana punllapi cushpa tucui rupachinataca cada samana punllapi cucuchunlla.

NÚMEROS 28:15

Cushpa tucui rupachinata, tallina vinota punllanta cucushca jahuapish, juchamanta Mandaj Diosman cunataca shuj chivota cuchun.

NÚMEROS 28:23

Tucui caicunataca cada tutamanta punllanta cushpa tucui rupachicushca jahuapish cunguichij.

NÚMEROS 28:24

Chai fiestapica, Mandaj Diospaj mishquijllata ashnacuj cachunca micunatapish, cushpa rupachinacunatapish, canchis punllapitaj chai shinallataj ruranguichij. Cushpa tucui rupachinata, tallina vinotapish punllanta cuna cashcacunataca chai punllacunapipish ama saquinguichijchu.

NÚMEROS 28:31

Cushpa tucui rupachinata, tallina vinotapish punllanta cuna cashcataca chai punllacunapipish ama saquinguichijchu. Chai animalcunaca ima mana tucushca cachun.

NÚMEROS 28:4

Shuj malta c'ari ovejataca tutamanta cuchun, caishuj malta c'ari ovejataca chishita cuchun.

NÚMEROS 29:11

Juchamanta cunataca shuj chivota cunguichij. Cushpa tucui rupachinata, tallina vinotapish punllanta cuna cashcacunataca chai punllacunapipish ama saquinguichijchu.

NÚMEROS 29:16

Juchamantaca shuj chivota cunguichij. Cushpa tucui rupachinata, tallina vinotapish punllanta cuna cashcacunataca chai punllacunapipish ama saquinguichijchu.

NÚMEROS 29:6

Quillanta cushpa tucui rupachinatapish, punllanta cushpa tucui rupachinatapish, tallina vinotapish chai punllacunapipish cunataca ama saquishpa mandashcapi nishca shinallataj cunguichij. Chai cushcacunaca Mandaj Diospajca mishquiman ashnacujmi canga.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Hebreos 9:6

Diospaj carpa huasi ucuca chashna allichishca cajpimi punta ucuman curacunaca punllanta yaicushpa imalla rurana cashcataca Diospaj rurancuna.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.