NÚMEROS 28:11 - Dios Rimashca Shimicunami

¹¹ Quilla callari punta punllapica ishqui bizita, shuj carnerota, shuj huatayuj canchis c'ari ovejata Mandaj Diosman cushpa tucui rupachichun. Chai animalcunaca ima mana tucushca cachun.

NÚMEROS 28:11 Iomraidhean Croise

2 REYES 4:23

Chaimi paipaj cusaca: –Llullu lunapish, samana punllapish mana canchu. Paita ricunamanca ¿imapajtaj risha ningui?– nijpi paica: –Ama sustarichu– nirca.

1 CRÓNICAS 23:31

Samana punllacunapipish, mushuj luna punllacunapipish, shujtaj jatun punllacunapipish Mandaj Diosman animalcunata cushpa tucui rupachingapajpishmi saquirijcuna carca. Chai punllacunapi mashna animalcunata cuna cashcata cungapajpish, cada animalta ima shinalla cuna cashca shina cungapajpish,

2 CRÓNICAS 2:3

Salomonca, Tiro llajtata jatun mandaj Hiramman, huillachunca cashna nishpami cacharca: “Ñuca yaya Davidhuan rurashca shinallataj rurashun. Paimanca, pai mandashpa causana huasita shayachichunmi, cedro caspicunata cacharcangui.

2 CRÓNICAS 2:4

Ñucaca ñucata Mandaj Taita Diospajlla cachunmari, shuj huasita shayachisha nini. Chaipimari mishquijllata ashnaj inciensota cushpa paipaj ñaupajpi rupachisha nini. Shinallataj paipajlla ch'icanchishca tandatapishmi churasha nini. Chashnallataj samana punllacunapipish, shujtaj tucui punllacunapi tutamantapish, chishipishmi animalcunata paiman cushpa tucui rupachisha nini. Mushuj luna punllacunapipish, ñucanchijta Mandaj Taita Diosmanta yuyarina shujtaj jatun punllacunapipishmi animalcunata paiman cushpa tucui rupachisha nini. Chaicunaca israelcunapajca, huahua huahuacuna ruracunallamari.

2 CRÓNICAS 8:13

Moisés mandashcapi nicushca shinallatajmi, imata yuyarina fiesta punlla cajpipish, chai punllapi rupachina animalta rupachij carca. Samana punllacunapi mushuj luna punllacunapi, huatanta yuyarina quimsa ch'ican ch'ican fiesta punllacunapimi chashna rupachij carca. Chai fiesta punllacunaca: Levadura illajlla tandacunata micuna punllacuna, semana fiesta punllacuna, yura ramacunahuan ramadacunata rurana punllacunami carca.

ESDRAS 3:5

Chai jahuami punllanta Diosman cushpa tucui rupachinacunatapish, mushuj lunapi cuna cashcatapish, Mandaj Diospajlla ch'icanchishca punllacunapi cuna cashcatapish, maijancuna Diosman cusha nishcamanta cushcacunatapish, Mandaj Diosman cusha nishcamanta cushca ofrendacunatapish curcacuna.

NEHEMÍAS 10:33

Diospaj ñaupajpi churana tandapajpish, Diosman punllanta cunapajpish, Diosman punllanta cushpa tucui rupachinapajpish, samana punllacunapajpish, mushuj luna punllacunapajpish, fiesta punllacunapajpish, Diospajlla ch'icanchishcacunapajpish, israelcunapaj juchacunata anchuchichun sacrificiocunata cunapajpish, ñucanchij Diospaj huasipi tucui ima ruranacunapajpishmi cuna tucurcanchij.

SALMOS 40:6

Sacrificiocunata cushcapish, ofrendata cushcapish mana quiquin munashca shinachu. Ñuca rinrincunatapish pascashcanguimi. Diosman cushpa tucui rupachinatapish, juchamanta cunatapish mana mañashcanguichu.

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

SALMOS 81:3

Mushuj lunapi trompetapi tocaichigari. Luna jundai punllapipish tocaichigari. Ñucanchij jatun fiesta punllapipish tocaichigari.

SALMOS 81:4

Cai mandashcaca israelcunapajmari. Jacobpaj Taita Dios mandashcamari.

ISAÍAS 66:23

Quillapi, quillapi, samana punllapi, samana punllapimi ñuca ñaupajpi adoranaman tucuicuna shamungacuna ninmi Mandaj Diosca.

EZEQUIEL 46:1

Mandaj Jatun Diostajmi cashna nini: Ñuca huasi canllaman yaicuna inti llujshin ladoman caj punguca, sujta punllami canga. Ashtahuanpish samana punllapi, mushuj quilla punllapica pascaringami.

EZEQUIEL 46:6

Mushuj quilla punllapica, vacacunamanta malta c'ari huagrata, sujta malta c'ari ovejacunata, shuj carnerotapish ima mana tucushcacunata cuchun.

EZEQUIEL 46:7

Shinallataj shuj efa cutataca, malta c'ari huagrahuan cuchun. Cada carnerohuan, shuj efa cutata cuchun. Ashtahuanpish malta c'ari ovejacunahuanca, imallata cui tucushcahuan cuchun. Shuj hin nishca medida aceitetaca, cada efa cutahuan cuchun.

OSEAS 2:11

Cada semana fiestacunatapish, mushuj luna punllacunatapish, samana punllacunatapish, jatun fiesta punllacunatapish rurashpa pai tucui laya cushicunataca tucuitami anchuchisha.

LEVÍTICO 1:13

Chunllullicunatapish, changa aichatapish chai cucujllataj yacuhuan maillachun. Curaca altar jahuapi tucuita cushpa rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 1:9

Chai huagrata cujllataj chunllullicunatapish, changa aichatapish yacuhuan maillachun. Chaitaca altar jahuapi cura tucuita rupachichun. Chashna tucui cushpa tucui rupachishcami, Mandaj Diospajca sumaj mishquijllata ashnacuj canga.

AMÓS 3:5

¿Pajarocuna ricucujpi trampata churajpica, pambaman urmangallachu imashi? Pambapi tiyacuj trampaca ¿manapish ima yaicujpica, urmangachu imashi?

AMÓS 8:5

Cancunaca cashnami ninguichij: “Trigota ña c'atushun ninchijca. Quillapish ña tucurijpichari, samana punllapish ña pasajpichari granocunata huaquichishca ucumanta pascashpa c'atungapaj. Medidacunatapish uchillayachishpa c'atungapaj, manapish cashcata balanzapi pizashpami achca cullquipi c'atushun.

NÚMEROS 10:10

Cancuna cushicuna punllacunapipish, jatun fiesta punllacunapipish, quilla callari punllacunapipish, Mandaj Diosman cushpa tucui rupachicushpa, sumaj causaimanta cushpa rupachicushpaca trompetacunapipish tocanguichij. Chaica cancunapaj Dios cancunata yuyarichun yuyachinapajmi canga. Mandaj Dios ñucami cancunapaj Dios cani” nircami.

NÚMEROS 28:19

Chai punllacunapi Mandaj Diosman cushpa rupachinataca ishqui bizita, shuj carnerota, shuj huatayuj canchis c'ari ovejacunata cushpa tucui rupachinguichij. Chai animalcunaca ima mana tucushca cachun.

Gálatas 4:10

Punllacunata, quillacunata, fiestacunata, huatacunatapish yuyaricunguichijrajmi.

Colosenses 2:16

Chaimanta cancunataca ima micunamanta, ima ubyanamanta, fiesta punllacunamanta, llullu luna punllacunamanta, samana punllacunamantapish pi ama imata nishpa juchachichun.

Colosenses 2:6

Chaimanta ima shinami Mandaj Jesucristota chasquircanguichij, chai shinallataj paihuan shuj shinalla purichij.

1 SAMUEL 20:5

Chaimi Davidca Jonatantaca: –Cayaca llullu lunamari. Chaipica jatun mandajpaj ladopi micuj cashca shinallataj micungapajmi tiyarina cani. Shina cajpipish ñucaca, cayapaj caya chishicamami miticugrini.

1 SAMUEL 9:12

paicunaca: –Ari, caipimi. Cunan punllaca caipi causajcuna lomapi tiyaj altarpi cushpa rupachina punlla cajpimari, cai puebloman shamurca. Utca richijlla.