NÚMEROS 27:3 - Dios Rimashca Shimicunami

³ “Ñucanchij yayaca shitashca pambapimi huañurca. Paica Coré runahuan tucushpa, Mandaj Diosta p'iñashpa c'amijcuna huañuipica mana huañurcachu. Ashtahuanpish paipaj quiquin juchamantami huañurca. Paica churicunataca mana charircachu.

NÚMEROS 27:3 Iomraidhean Croise

EZEQUIEL 18:4

Tucuicunami ñucapaj. Yayapish, churipish ñucapajmari. Maijanpish juchallishpaca, chaillami huañunga.

NÚMEROS 14:35

Mandaj Dios ñucami chashna rimani. Cai tucuicuna tandanacushpa ñucata c'ariyaj millaicunataca chashnami rurasha. Cai shitashca pambapimi tucuicuna huañushpa chingaringacuna– nircami.

NÚMEROS 16:19

Coré runaca Moisestapish, Aarontapish p'iñashpa rimachunmi, Mandaj Dioshuan tupanacuna carpa huasi pungupi tucui israelcunata tandachishca carca. Chaipimi Mandaj Diosca paipaj sumaj cashcahuan tucui israelcunaman ricurishpa,

NÚMEROS 16:49

Chai huañuipi huañujcunaca, 14.700 gentecunami carca. Coré runahuan tucushpa jatarishpa Diosta c'ariyajpi huañuchishcacunata mana yupashcami chaica carca.

NÚMEROS 26:33

Hefer runapaj churi Zelofehad runaca, churicunataca mana charircachu. Ushushicunallatami charirca. Zelofehadpaj ushushicunaca Maala, Noa, Hogla, Milca, Tirsa shuticunami carca.

NÚMEROS 27:2

Dioshuan tupanacuna carpa huasi pungupi Moisespaj, Eleazar curapaj, israelcunata pushajcunapaj, tucui israelcunapaj ñaupajpi shayarishpa cashna nircacuna:

NÚMEROS 27:4

Ñucanchij yaya churicunata mana charishcallamanta, paipaj shutita anchuchishpa familiacunata chingachinaca mana allichu. Ñucanchij yayapaj familiacuna ama chingarichunca, ñucanchij yayapaj huauquicuna japishca allpamanta ashata chaupishpa ñucanchijman cuichij” nircacunami.

Juan 8:21

Jesusca cutinmi paicunataca: –Ñucaca rigrinimi. Ñucataca mashcanguichijmi. Ashtahuanpish juchapi huañushca cashcamanta ñuca maipi canmanca cancunaca mana ri tucunguichijchu– nijpimi,

Juan 8:24

Chaimi cancunataca cancunapaj juchallapitajmi huañunguichij nircani. Chashna nishca shinallatajmi ñuca pi cashcata mana crishpaca cancunapaj juchallapitaj huañunguichij– nirca.

Romanos 5:12

Shuj runallamantami juchaca, cai pachamanca yaicurca. Chai juchamantami huañuipish yaicurca. Chashnami tucuicuna juchallishcamantaca, huañuica tucui runacunaman shamurca.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.