NÚMEROS 27:2 - Dios Rimashca Shimicunami

² Dioshuan tupanacuna carpa huasi pungupi Moisespaj, Eleazar curapaj, israelcunata pushajcunapaj, tucui israelcunapaj ñaupajpi shayarishpa cashna nircacuna:

NÚMEROS 27:2 Iomraidhean Croise

ESDRAS 7:5

Buquica Abisuapaj churimi. Abisuaca Fineespaj churimi. Fineesca Eleazarpaj churimi. Eleazarca curacunata punta pushaj Aaronpaj churimi carca.

NÚMEROS 27:1

Josepaj churi Manasesmanta mirarishca familiacunaca: Manasespaj churi Maquir. Maquirpaj churi Galaad. Galaadpaj churi Hefer. Heferpaj churi Zelofehadmi carca. Zelofehad runaca ushushicunallatami charirca. Paicunaca Maala, Noa, Hogla, Milca, Tirsa shuticunami carca. Paicunami Moisespajman rishpa,

NÚMEROS 27:21

Josueca Eleazar curapajman richun. Eleazarca Urimhuan Mandaj Diosta tapushpa, chai ricuchishca shina huillachun. Eleazar cura ima nishcallata rurashpa Josuepish, tucui israelcunapish maiman llujshina cajpipish llujshichun, maiman yaicuna cajpipish yaicuchun– nircami.

NÚMEROS 27:3

“Ñucanchij yayaca shitashca pambapimi huañurca. Paica Coré runahuan tucushpa, Mandaj Diosta p'iñashpa c'amijcuna huañuipica mana huañurcachu. Ashtahuanpish paipaj quiquin juchamantami huañurca. Paica churicunataca mana charircachu.

NÚMEROS 36:1

Joseca Manasespaj yayami carca. Manasesca Maquirpaj yayami carca. Maquirca Galaadpaj yayami carca. Chai Galaadpaj familiacunamanta mirarishcacunata mandajcunami Moisespaj, israelcunata mandajcunapaj ñaupajman shamushpa,

NÚMEROS 9:6

Chaipica huaquincunami huañushcapi tuparishcacuna chaipi carca. Paicunaca chai punllapica Pascua micuita mana micui tucurcacunachu. Chaimi Moisespaj, Aaronpaj ñaupajman chai punllallataj shamushpa,