NÚMEROS 27:17 - Dios Rimashca Shimicunami

¹⁷ Mandaj Dios agllashca israelcunaca michij illajlla ama saquirichun shuj pushajta churahuai. Paica israelcunapaj puntapi llujshichun. Israelcunapaj puntapi yaicuchun. Maiman llujshichishpapish maiman yaicuchishpapish pai pushachun churahuai– nirca.

NÚMEROS 27:17 Iomraidhean Croise

2 SAMUEL 5:2

Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

1 REYES 22:17

Shina nijpi Micaiasca: “Tucui israelcunatami michij illajlla ovejacuna shina urcucunapi caita chaita puricujta ricurcani. Chaimi Mandaj Diosca: Caicunaca mandaj illajllamari puricuncuna. Tucuicuna imata mana manchashpa paicunapaj huasicunaman tigrachunlla nirca” nircami.

1 REYES 3:7

Jatun Mandaj ñuca Dioslla cunanca cambajta ruraj ñucataca canmari ñuca yaya Davidpaj randi jatun mandaj cachun churarcangui. Ñucaca huambraraj cashcamanta mandaj ima shina canataca mana yachanichu.

2 REYES 11:8

Chaipica tucuicuna macanacunacunata maquipi aisashca jatun mandajpaj muyujta shayaringuichij. Maijanpish cancunapaj chaupiman yaicusha nijpica, huañuchinguichijlla. Jatun mandaj maiman llujshijpipish, tigrashpa yaicujpipish paihuan puringuichij” nircami.

2 CRÓNICAS 1:10

Cai tucuicunapaj ñaupajpi tiyashpa mandai tucungapajca canllataj yachaisapa cantapish, alli yuyaitapish cuhuaiyari. Can agllashca yallitaj achcacunataca pitaj mandai tucungari” nircami.

2 CRÓNICAS 18:16

Shina nijpi Micaisca: –Tucui israelcunatami, michij illajlla ovejacuna shina urcucunapi caita chaita puricujta ricurcani. Chaimi Mandaj Diosca: Caicunaca mandaj illajllamari puricuncuna. Tucuicuna paicunapaj quiquin huasicunaman imata mana manchashpa tigrachunlla nirca– nircami.

EZEQUIEL 34:5

Paicunaca michij illashcamantami, musparishpa caita chaita purincuna. Sachapi causaj p'iña animalcuna japishpa micunallami puricuncuna, caita chaitami rishcacuna.

ZACARÍAS 10:2

Terafín nishca dioscunaca llullallatami huillachishcacuna. Adivinajcunapish llullallatami ricushcacuna. Paicunaca yanga muscuicunallatami huillashcacuna. Paicuna cushichishcapish yangallami. Chaimantami runacunaca ovejacuna shina yanga purincuna. Paicunaca michijta mana charishcamantami, llaquilla causancuna.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 10:6

Ashtahuanpish Israelpaj huahua huahuacuna chingarishca ovejacuna shina puricujcunapajman” richij.

Mateo 15:24

Jesusca: –Diosca ñucataca israelcunapajllamanmi cacharca. Paicunami ñucapajca chingarishca ovejacuna shina puricun– nircami.

Mateo 9:36

Chaipica michij illajlla, ovejacuna caita chaita puricuj shinata, achcacunata ricushpami paicunataca achcata llaquirca.

Marcos 6:34

Jesusca barcomanta llujshishpaca, chai shamuj tucuicunataca michij illajlla ovejacuna shina cajta ricushpa llaquirishpami, achca yachanacunata yachachi callarirca.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

DEUTERONOMIO 31:2

cashnami nirca: “Ñucaca ñami 120 huatacunata charini. Ñucaca pushashpa llujshinata, pushashpa tigrachinata mana valinichu. Ashtahuancarin Mandaj Diosmi ñucataca: “Cai Jordán yacutaca ña mana ch'imbanguichu” nirca.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.

1 SAMUEL 18:13

Saulca Davidtaca, 1.000 soldadocunata mandaj cachun churashpami, paipaj c'uchumanta anchuchirca. Chaimi Davidca, soldadocunata ñaupashca llujshij carca. Ñaupashca tigraj carca.

1 SAMUEL 8:20

ñucanchijpish shujtaj llajtacuna shinallatajmari cana canchij. Ñucanchij quiquin jatun mandajtajmi ñucanchijtaca mandana can. Macanacuicunapipish paimi ñucanchijta pushanga. Paimi ñucanchijta ñaupashpa ringa– nircacuna.