NÚMEROS 27:14 - Dios Rimashca Shimicunami

¹⁴ Zin shuti shitashca pambapi israelcuna yacu illan nishpa p'iñachijpimi cancunaca ñuca mandashca shina mana rurashpa ñuca ima jucha illaj cashcataca israelcunapaj ñaupajpi mana ricuchishpa, ñuca mandashcataca mana cazurcanguichij– nircami. Chai yacucunaca Cadespi yacu illan nishpa p'iñanacushcami. Chaica Zin shuti shitashca pambapimi.

NÚMEROS 27:14 Iomraidhean Croise

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

NÚMEROS 13:21

Paicuna rishpaca, chai llajtataca Zin nishca shitashca pambamanta callarishpa, Hamatman yaicuna c'uchullapi caj Rehob shuti pueblocamami rijsishpa ricurcacuna.

NÚMEROS 20:1

Tandanacushca tucui israelcunaca huatapaj punta quillapimi Zin nishca shitashca pambaman chayashpa, Cades shuti pueblopi carpa huasicunata shayachishpa tiyarirca. Moisespaj pani Mariaca chaipimi huañurca. Paitaca chaillapitajmi pambarcacuna.

NÚMEROS 20:24

“Aaronca ñaupa yayacunahuan tandanacunamanmi ña rigrin. Cancunaca yacu illan nishpa p'iñanacuipimi ñuca mandashcata mana cazurcanguichij. Chaimanta paica israelcunaman ñuca cushca llajtamanca mana yaicungachu.

NÚMEROS 20:5

Cai jatun llaqui llajtaman pushamungapajllamari Egiptomantaca ñucanchijtaca huichiyachimushcanguichij. Cai llajtapica higocunata, uvacunata, granadacunata tarpuna allpacunaca mana tiyanchu. Ubyanapaj yacullapish mana tiyanchu– nircacunami.

NÚMEROS 27:15

Mandaj Dios chashna nijpimi, Moisesca:

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

DEUTERONOMIO 1:37

Mandaj Diosca, cancunamanta ñucahuanpish p'iñarishpami: Canpish chai llajtamanca mana yaicunguichu.

DEUTERONOMIO 4:22

Chaimanta ñucaca cai llajtapimi huañugrini. Jordán yacutaca mana ch'imbagrinichu. Ashtahuanpish cancunaca ch'imbanguichijmi, chai alli allpatapish cancunapaj cachun japinguichijmi.