NÚMEROS 27:13 - Dios Rimashca Shimicunami

¹³ Chai llajtata ricushca q'uipaca, cambaj huauqui Aarón shinallataj cambaj ñaupa yayacunahuan tandanacugringuillami.

NÚMEROS 27:13 Iomraidhean Croise

GÉNESIS 25:17

Ismaelca, 137 huatacunatami causarca. Huañushpaca paipaj ñaupa yayacunahuanmi tandanacugrirca.

GÉNESIS 25:8

Abrahamca uni huatacunata causashpa yallitaj yuyaj tucungacama causashpami huañurca. Huañushpaca paipaj ñaupa yayacunahuanmi tandanacugrirca.

NÚMEROS 31:2

“Madianitacuna israelcunata llaquichishcamanta paicunatapish llaquichichij. Chai q'uipaca cambaj yayacunahuan tandanacugringuillami” nircami.

NÚMEROS 33:38

Chaipimi Aarón curaca, Mandaj Dios mandajpi Hor shuti urcuman huichiyashpa chaipi huañurca. Chai punllacamaca israelcuna Egiptomanta llujshimushcaca, ñami chuscu chunga huatacuna tucugrirca. Huatapaj pichca quilla, chai quillapaj punta punllapimi huañurca.

DEUTERONOMIO 1:37

Mandaj Diosca, cancunamanta ñucahuanpish p'iñarishpami: Canpish chai llajtamanca mana yaicunguichu.

DEUTERONOMIO 10:6

(Chai q'uipaca israelcunaca Beerot-bene-jaacán pugyumantami, Mosera puebloman rircacuna. Chai pueblopimi Aaronca huañurca, chaillapitajmi pambarcacuna. Paipaj randica paipaj churi Eleazarmi cura tucurca.

DEUTERONOMIO 31:14

Chai q'uipami Mandaj Diosca Moisestaca: “Riqui, ñami can huañuna punllaca quichquiyamun. Ñucahuan tupanacuna carpa huasiman Josueta cayashpa chaipi shuyaichij. Chaipimi imalla rurana cashcataca mandasha” nircami. Moisespish, Josuepish Dioshuan tupana carpa huasiman rishpami chaipi shuyarcacuna.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

DEUTERONOMIO 32:50

Chai urcunaman huichiyashpami chaipi huañungui. Cambaj ñaupa yayacunahuanmi tandanacugringui. Cambaj huauqui Aarón Hor urcupi huañushpa paipaj ñaupa yayacunahuan tandanacugrij shinallatajmi tandanacugringui.

DEUTERONOMIO 4:22

Chaimanta ñucaca cai llajtapimi huañugrini. Jordán yacutaca mana ch'imbagrinichu. Ashtahuanpish cancunaca ch'imbanguichijmi, chai alli allpatapish cancunapaj cachun japinguichijmi.