NÚMEROS 27:12 - Dios Rimashca Shimicunami

¹² Mandaj Diosca Moisestaca cashnami nirca: –Abarim urcu jahuaman huichiyai. Chaiman huichiyashpa israelcunaman ñuca cushca llajtata ricui.

NÚMEROS 27:12 Iomraidhean Croise

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

JEREMÍAS 22:20

“Cambaj tucui c'uyashcacunamari tucurishca. Cunanca Líbano urcuman huichiyashpa, Basán urcuman llujshishpa tucui ladota ricushpa caparirishpa huacajpipish, pi mana uyaringachu.

DEUTERONOMIO 31:14

Chai q'uipami Mandaj Diosca Moisestaca: “Riqui, ñami can huañuna punllaca quichquiyamun. Ñucahuan tupanacuna carpa huasiman Josueta cayashpa chaipi shuyaichij. Chaipimi imalla rurana cashcataca mandasha” nircami. Moisespish, Josuepish Dioshuan tupana carpa huasiman rishpami chaipi shuyarcacuna.