NÚMEROS 26:65 - Dios Rimashca Shimicunami

⁶⁵ Paicunataca Mandaj Diosmi: “Cai shitashca pambapimi huañungacuna” nishca carca. Mandaj Dios huañungami nishcacunaca tucuicunami huañurcacuna. Jefonepaj churi Calebhuan, Nunpaj churi Josuellahuanmi saquirirca.

NÚMEROS 26:65 Iomraidhean Croise

SALMOS 37:9

Millaicunaca chingachishcami cangacuna. Ashtahuanpish Mandaj Diospi shunguta churajcunaca Dios cusha nishca llajtatami japingacuna.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

NÚMEROS 14:26

Mandaj Diosca Moisestapish, Aarontapish mandashpaca cashnami nirca:

NÚMEROS 14:32

Ashtahuanpish cancunapaj cuerpocunaca cai shitashca pambapimi urmanga.

NÚMEROS 14:35

Mandaj Dios ñucami chashna rimani. Cai tucuicuna tandanacushpa ñucata c'ariyaj millaicunataca chashnami rurasha. Cai shitashca pambapimi tucuicuna huañushpa chingaringacuna– nircami.

NÚMEROS 14:38

Chai llajtata ricushpa rijsimuchun cachashcapuracunamantaca Nunpaj churi Josuehuan, Jefonepaj churi Calebllahuanmi mana huañurcacuna.

NÚMEROS 27:3

“Ñucanchij yayaca shitashca pambapimi huañurca. Paica Coré runahuan tucushpa, Mandaj Diosta p'iñashpa c'amijcuna huañuipica mana huañurcachu. Ashtahuanpish paipaj quiquin juchamantami huañurca. Paica churicunataca mana charircachu.

NÚMEROS 34:19

Chai pushajcunapaj shuticunaca caicuna cachun: Judapaj aillumantaca Jefonepaj churi Caleb.

Romanos 11:22

Diosca alli cashcatapish, sinchita llaquichij cashcatapish yuyaringui. Paipi mana catirajpica, sinchita llaquichijtajmi, ashtahuanpish canhuan alli cashcata mana cungarijpica canhuanmi. Mana chashna cashpaca canpish anchuchishcami cangui.

DEUTERONOMIO 1:36

Jefonepaj churi Calebllami chai llajtamanca yaicunga. Paillami chaitaca ricunga. Ñucami pai maillata purimushca llajtataca paiman, paipaj huahuacunaman cusha. Pailla Mandaj Diospi shunguta churashpa catishcamantami chaimanca yaicunga nircami.

JOSUÉ 5:4

Josueca caimantami circuncisiontaca rurarca: Egiptomanta llujshimuj circuncisionta rurashca macanacunata yachaj tucui Israel c'aricuna shitashca pambata shamucushpami tucuicuna huañushca carca.

Judas 1:5

Cancuna yachashca cajpipish, caitami yuyachisha nini. Jatun Diosca, Egiptomanta israelcunata llujshichishca cashpapish, paicunapurapi paita mana crijcunataca huañuchircami.