NÚMEROS 26:53 - Dios Rimashca Shimicunami

⁵³ “Shuticunata quillcashpa yupashca israelcunamanca, ima shina shuticunata quillcashca shinallataj allpata chaupishpa cungui.

NÚMEROS 26:53 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

1 CRÓNICAS 16:18

nishpaca: Canaán llajtataca canmanmi cusha. Cambaj allpa cachunmi cusha nircami.

SALMOS 105:44

Paicunamanca shujtaj llajtacunapaj allpacunatami curca. Shujtaj gentecuna tarpushcacunatami japircacuna.

SALMOS 49:14

Canlla ovejacunata shinami seolman pushanga. Huañuimi paicunataca michinga. Ña pararijpica ima pandata mana rurajcunami mandanga. Paicuna sumaj cashcaca chingaringami. Paicuna causanaca seolmi canga.

EZEQUIEL 47:22

Shinallataj cancunapajpish, cancunapaj llajtapi causacuj caru llajta runacunapajpish, cai llajtapi huacharishca cancunapaj huahuacunapajpish suerteta rurashpa cai allpataca chaupinguichijlla. Chai huahuacunataca, Israel llajtapi huacharishcamantaca cancunapura cashcallatataj yuyanguichij. Israel aillucuna shinallataj allpata charichun, suerteta rurashpa paicunamanpish chaupishpa cunguichij.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

NÚMEROS 26:52

Mandaj Dios Moisesta mandashpaca cashnami nirca:

NÚMEROS 26:54

Achca caj aillumanca, achca allpata cungui. Ashalla caj aillumanca ashalla allpata cungui. Shuticunata quillcashpa yupashca shinallataj allpacunatapish cada quiquinman cungui.

NÚMEROS 33:54

Chai llajtataca sorteashpa, cada familia ima shina cashca shinallataj japinguichij. Achca cajmanca achcata cunguichij. Ashalla cajmanca ashallata cunguichij. Sorteajpi maipimi urman, chaitataj cunguichij. Cancunapaj yayacunamanta mirarishca aillucuna ima shina cashca shinallataj japinguichij.

Mateo 5:5

Manso shungucunaca, cushichishcami. Japina cashca allpataca paicunami chasquingacuna.

JOSUÉ 1:6

Cancunapaj ñaupa yayacunaman ñuca cusha nishca allpata japinataca, c'ari c'ari tucushpa, ama manchaichu. Chai allpataca, tucui israelcunaman canmi chaupishpa cungui.

JOSUÉ 11:23

Mandaj Dios Moisesta mandashca shinallatajmi, Josueca tucui chai llajtacunataca israelcunapaj cachun japirca. Chai llajtacunataca, tucui israelcunamanmi cada ailluman mashnacunapura cajpipish, pajtanata ricushpa chaupishpa curca. Macanacuipish chai llajtapica ña mana tiyarcachu.

JOSUÉ 14:1

Israelcunaca Canaán llajta allpacunataca caicunatami paicuna japina cashcataca japircacuna. Chai allpacunataca Eleazar curapish, Nunpaj churi Josuepish, israelcunapaj cada ñaupa yayacunapaj aillucunata pushaj yuyajcunapishmi chaupishpa curcacuna.

Apocalipsis 21:27

Chaimanca ima mapa, millanayajta rurajcunapish, llullacunapish manataj yaicungacunachu. Ashtahuanpish causanaman rinata ricuchij Ovejapaj libropi shutita quillcashcacunallami chaimanca yaicungacuna.

Apocalipsis 5:10

Chashnami ñucanchij Dios mandana llajta cachun, paipajta ruraj curacuna cachun ñucanchijtaca rurashcangui. Chaimantami cai pachataca mandashun” nishpami cantarcacuna.