NÚMEROS 26:30 - Dios Rimashca Shimicunami

³⁰ Galaadpaj churicunamanta mirarishcacunaca: Jezer runamanta mirarishca jezeritas nishca familiacuna, Helec runamanta mirarishca helequitas nishca familiacuna,

NÚMEROS 26:30 Iomraidhean Croise

NÚMEROS 26:31

Asriel runamanta mirarishca asrielitas nishca familiacuna, Siquem runamanta mirarishca siquemitas nishca familiacuna,

JOSUÉ 17:2

Manasespaj caishuj churicunamanpish paicunapaj familia mashna cashcapajmi sortearca. Paicunaca caicunami: Abiezer, Helec, Asriel, Siquem, Hefer, Semida shuticunami carca. Paicunaca Josepaj nietocunami carca.

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.

JUECES 6:34

Paicuna chashna tandanacujpimi Gedeonpaj jahuamanpish Mandaj Diospaj Espíritu shamujpi, gachupi tocajpica, abiezeritacunaca paihuan tandanacurcacuna.

JUECES 8:2

Chaimi Gedeonca: –Cancuna rurashcahuan ch'imbapurashpa ricujpica ¿ima mana allitataj rurashcani? Efrainpaj aillu ch'alamushcaca ¿manachu Abiezer cozichashcata yalli alli?