NÚMEROS 26:3 - Dios Rimashca Shimicunami

³ Moisespish Eleazar curapish Mandaj Dios imallata nishcatami israelcunaman huillarca. Jericó ch'imbapurapi caj, Jordán yacu c'uchu uri Moab pambapi israelcunaman huillashpaca cashnami nirca:

NÚMEROS 26:3 Iomraidhean Croise

NÚMEROS 22:1

Israelcuna chaimanta rishpaca, Jericó pueblo ch'imbapurapi caj Jordán yacu c'uchu, Moab llajtapimi carpa huasicunata shayachishpa tiyarirca.

NÚMEROS 26:4

“Mandaj Dios Moisesta ima shina mandashca shinallataj, ishqui chunga huatayujmanta huichiman caj israelcunata quillcashpa yupai” nircami. Egiptomanta llujshimushca israelcunaca caicunami carca:

NÚMEROS 26:63

Moiseshuan Eleazar curahuan tucushpa quillcashpa yupashcacunaca tucui chaicunami. Paicunaca Jericó pueblo ch'imbanijpi, Jordán yacu c'uchu uripi caj Moab pambapimi tucui israelcunata quillcashpa yuparca.

NÚMEROS 31:12

prezumi aparca. Prezucunatapish, quichushcacunatapish Moisespaj, Eleazar curapaj, tucui israelcunapaj ñaupajmanmi aparca. Israelcunaca Jericó ch'imbapurapi caj Jordán yacu c'uchu uripi caj Moab pambapimi carpa huasicunapi tiyacurca.

NÚMEROS 33:48

Abarim urcucunamanta rishpaca, Jericó urcumanta inti llujshin ladoman caj Jordán yacu c'uchupi caj Moab pambaman chayashpami, carpa huasicunata shayachishpa tiyarircacuna.

NÚMEROS 35:1

Mandaj Diosca Jericó ch'imbapurapi caj Jordán yacu c'uchupi caj Moab pambapi Moisesta mandashpaca cashnami nirca:

DEUTERONOMIO 34:1

Moisesca Moab llajtapi caj shitashca pambamantaca, Pisga urcuman rishpami Nebo urcu jahuaman huichiyarca. Chai urcuca Jericó ch'imbapurapimi. Chaimantami Mandaj Diosca paimanca, tucui Galaad llajtata Danpaj llajtacama ricuchirca.

DEUTERONOMIO 34:6

Paitaca Moab llajtallapitajmi, Bet-peor pueblo ch'imbapurapi caj pugru pambapi pambarca. Paita maipi pambashcataca cunancama pi mana yachancunachu.

DEUTERONOMIO 34:8

Israelcunaca Moisés huañujpica, quimsa chunga punllacunatami Moab shitashca pambapi huacarcacuna. Chashnami Moisés huañushcamanta huacashpa llaquirina punllacunataca pajtachircacuna.