NÚMEROS 26:20 - Dios Rimashca Shimicunami

²⁰ Judapaj churicunamanta mirarishca familiacunaca: Sela runamanta mirarishca selaitas nishca familiacuna, Fares runamanta mirarishca faresitas nishca familiacuna, Zera runamanta mirarishca zeraitas nishca familiacunami carca.

NÚMEROS 26:20 Iomraidhean Croise

GÉNESIS 38:11

Judaca paipaj nuera Tamartaca: –Ñuca churi Sela cazaranapajta tucungacama, cambaj yayapaj huasipi viudallataj causagrilla– nijpimi, Tamarca paipaj yayapaj huasipi causanaman rirca. “Selapish, caishuj huauquicuna shina huañungallatajmari” nishpami chashna nirca.

GÉNESIS 38:14

Tamarca viuda cashcata ricuchij churanata anchuchishpa, ama pi rijsichun ñahuitapish linsohuan ch'ungullirishpa Timnatman rina ñan c'uchullapi Enaim puebloman yaicuna pungullapi tiyarigrirca. Judallataj paipaj churi Sela cazaranapajta ña tucujpipish paihuan mana cazarachishcamantami chashna rurarca.

GÉNESIS 38:5

Cutinllataj chichushpapish shujtaj c'ari huahuallatatajmi huacharca. Paitaca Sela shutitami shutichirca. Quezibpi causacushpami, chai huahuataca huacharca.

GÉNESIS 46:12

Judapaj churicunaca: Er, Onán, Sela, Fares, Zara shuticunami carca. Er, Onán runacunaca Canaanllapitajmi huañurcacuna. Farespaj churicunaca Hezrón, Hamul shuticunami carca.

GÉNESIS 49:8

Judá, cantaca cambaj huauquicunami alabanga. Cambaj maquica canta p'iñajcunapaj jahuapimi canga. Cambaj yayapaj churicunaca cambaj ñaupajpimi cumuringacuna.

1 CRÓNICAS 4:21

Judapaj churi Selapaj churicunaca: Er, Laada shuticunami carca. Erca, Lecapaj yayami carca. Laadaca, Maresapaj yayami carca. Chaicunapaj huahua huahuacunaca, Bet-asbea pueblopimi linota ahuashpa causarcacuna.

1 CRÓNICAS 9:4

Judapaj huahua huahuapuracunamantaca, Utai runami shamurca. Utaica Amiudpaj churimi. Amiudca Omripaj churimi. Omrica Imripaj churimi. Imrica Bani runapaj churimi. Bani runaca Farespaj huahua huahuapurami carca. Faresca, Judapaj churimi carca.

1 CRÓNICAS 9:5

Silomitacunapuramantaca, punta churi Asaiasmi, paipaj churicunandij tigramurca.

NEHEMÍAS 11:24

Judá llajtamanta caj Zerapaj huahua huahuacunamanta Mesezabeelpaj churi Petaiasca, jatun mandaj imata nishcata, judiocunaman huillaj, judiocuna imata nishcata jatun mandajman huillajmi carca.

NEHEMÍAS 11:4

Judapaj, Benjaminpaj maijan huahua huahuacunaca Jerusalenpimi causarcacuna. Judapaj huahua huahuacunaca caicunami: Ataiasca Uziaspaj churimi. Uziasca Zacariaspaj churimi. Zacariasca Amariaspaj churimi. Amariasca Sefatiaspaj churimi. Sefatiasca Mahalaleelpaj churimi carca. Tucui paicunaca Farespaj huahua huahuamantami carca.

NEHEMÍAS 11:6

Farespaj huahua huahuacunamanta Jerusalenpi causangapaj saquirij macanacunata alli yachaj runacunaca 478mi carca.

NÚMEROS 26:21

Fares runapaj churicunamanta mirarishcacunaca: Hezrón runamanta mirarishca hezronitas nishca familiacuna, Hamul runamanta mirarishca hamulitas nishca familiacunami carca.

Mateo 1:3

Judapaj huahuacunami Farespish, Zarapish carca. Paicunapaj mamaca Tamarmi carca. Esromca Farespaj huahuami carca. Aramca Esrompaj huahuami carca.

Lucas 3:33

Naasonca, Aminadabpaj churimi carca. Aminadabca, Arampaj churimi carca. Aramca, Esrompaj churimi carca. Esromca, Farespaj churimi carca. Faresca, Judapaj churimi carca.

Apocalipsis 7:5

Judapaj aillumantaca 12.000mi sellashca carca. Rubenpaj aillumantapish 12.000mi sellashca carca. Gadpaj aillumantapish 12.000mi sellashca carca.