NÚMEROS 25:4 - Dios Rimashca Shimicunami

⁴ Mandaj Diosca Moisestaca: –Israelcunata pushajcunata tucuicunata japishpa, chaupi punlla inti achijnicujpi Mandaj Diospaj ñaupajpi sipishpa huañuchi. Mandaj Dios israelcunahuan yallitaj p'iñarishcata anchuchingapaj chashna rurai– nircami.

NÚMEROS 25:4 Iomraidhean Croise

2 SAMUEL 21:6

Paipaj huahua huahuacunamanta canchis runacunatami ñucanchijman cuchun ninchij. Paicunataca Mandaj Dios agllashpa churashca Saulpaj Gabaa pueblopimi, Mandaj Diospaj ñaupajpi sipishun ninchij– nijpimi, jatun mandajca paicunata cancunaman cushallami nirca.

2 SAMUEL 21:9

Paicunata gabaonitacunapaj maquipi cujpimi, gabaonitacunaca Mandaj Diospaj ñaupajpi shuj urcupi sipircacuna. Chaimi paicunaca canchistaj huañurcacuna. Paicunaca cebada cozicha callari punllacunapimi huañurca.

SALMOS 106:29

Paicunaca chashna rurashcacunahuanmi Taita Diostaca yallitaj p'iñachircacuna. Chaimantami paicunapurapica achcacunata huañuchirca.

ÉXODO 18:25

Moisesca israelcunapurapi mandai tucuipaj cajcunata agllashpami, huaranga runacunata, patsaj runacunata, pichca chunga runacunata, chunga runacunata mandajcuna cachun churarca.

JONÁS 3:9

Taita Dios p'iñarishpa llaquichina cashpapish, manapishchari llaquichinga” nishpami mandarca.

NÚMEROS 25:11

–Aarón curapaj nieto Eleazarpaj churi Fineesmi israelcunahuan ñuca yallitaj p'iñarishcataca anchuchin. Fineesca paicunapurapi millaita rurajtaca p'iñashpa ñuca shinallataj huañuricujmi. Paimantami ñucaca israelcuna millaita rurashcamanta huañurishpa llaquichishpa tucuchinataca pararini.

NÚMEROS 25:18

Paicunami cancunataca Baal-peor nishca diosta adoranaman umashpa pushashpa llaquichirca. Baal-peor shuti diosta adorashcamanta israelcunata llaquichicui punllapimi, cancunahuan huainayaj jatun mandajpaj Cozbi shuti ushushitapish huañuchirca– nircami.

DEUTERONOMIO 13:11

Chashna rurajpimi tucui israelcuna yachaj chayashpaca, manchashpa cutinca ña mana chashna millaita rurangacuna.

DEUTERONOMIO 13:13

cancunapuramanta millaita rurajcuna jatarishpa paicuna causan pueblocunapica: Cancuna mana rijsishca shujtaj dioscunapajta ruranaman jacuchij nicunmi nishca uyaringachari.

DEUTERONOMIO 13:15

ama llaquishpa chai pueblopi causajcunataca espadahuan huañuchinguichijtaj. Chai pueblopi tucui imalla tiyajcunatapish tucuita chingachinguichij, paicunapaj animalcunatapish espadahuan huañuchinguichij.

DEUTERONOMIO 13:17

Tucui chingachinapaj cashcacunataca imata mana japinachu canguichij. Chashna cajpimi Mandaj Dios nina sindirij shina p'iñarishcaca pararinga. Cancunapaj ñaupa yayacunaman nishca shinallatajmi cancunata llaquishpa, c'uyashpa cancunataca achcata mirachinga.

DEUTERONOMIO 21:22

Maijan cashpapish huañuipaj ima juchata rurajpi shuj caspipi huarcushpa huañuchishca cashpaca,

DEUTERONOMIO 21:23

chai huañuchishca cuerpotaca caspipi huarcushca pacarichunca ama saquinguichijchu. Huarcushca huañuj runaca Taita Dios mana alli nishca cashcamanta chai punllallatajmi pambana canguichij. Chashna rurashpami Mandaj Dios cancunapaj Taita Dios cancunapaj cachun cushca llajtataca mana mapayachinguichij.

DEUTERONOMIO 4:3

Baal-peor diosmanta Mandaj Dios imata rurajtaca cancunapaj ñahuihuantajmi ricurcanguichij. Baal-peor diosta catijcunataca tucuicunatami, Mandaj Dios cancunapaj Taita Diosca cancunapaj chaupimantaca tucuita chingachirca.

JOSUÉ 22:17

Peor nishca diosta adorashca jucha cashcataca ¿manachu yuyaringuichij? Mandaj Diospaj israelcunaca chai diosta adorashpa mapayashcamantami huañurcacuna. Chai juchamantaca cunancama maparajmi canchij.

JOSUÉ 23:2

tucui israelcunata, paicunata cunaj yuyajcunandij, mandajcunandij, juezcunandij, pushajcunandij cayachishpa cashna nirca: “Ñucaca ña achca huatacunata causashcamanta ña yuyajmi cani.