NÚMEROS 25:1 - Dios Rimashca Shimicunami

¹ Israelcunaca Sitim pueblopi cashpami, Moabita huarmicunahuan huainayai callarircacuna.

NÚMEROS 25:1 Iomraidhean Croise

2 REYES 23:7

Mandaj Diospaj huasipi rurashcalla dioscunata adorana altarcunatapishmi urmachirca. Chaillapitaj huainayajcuna cashcatapishmi anchuchirca. Chaipica huarmicunami, Asera huarmi diospaj churanacunata ahuashpa tiyajcuna carca.

SALMOS 106:28

Paicunaca Baal-peor nishca diospajmanpishmi chashnallataj tandanacurcacuna. Huañushca dioscunaman cushcacunatami micurcacuna.

ÉXODO 22:19

Animalhuan maijanpish chayarijtaca huañuchinatajmi can.

ÉXODO 34:15

Chaimanta chai llajtapi causajcunahuan imata tandalla ruranata pajta ari ninguichijman. Paicunaca paicunapaj dioscunahuan huainayashpa paicunapaj dioscunaman sacrificiocunata cucushpaca, cancunatapish chai dioscunaman sacrificiocunata cushcacunata micuchunmi cayangacuna.

ECLESIASTÉS 7:26

Caitapishmi ricurcani: Trampa shina, urmachij linchi shina shunguta charij, c'uyaj tucushpa ugllarij huarmica huañuitapish yalli jayajmi. Diosta cushichij runaca, chashna huarmipaj maquimantaca quishpirinmi. Ashtahuanpish millaita ruraj runaca, chai huarmihuanca linchipi shina urmangallami.

JEREMÍAS 40:11

Shinallataj Judá llajtamanta rishpa Moab, Amón, Edom shuti llajtacunapi cajcunapish, tucui caishuj llajtacunapi cajcunapishmi Babilonia llajtata jatun mandajca, Judá llajtapi huaquincunata saquishcata yachaj chayarcacuna. Shinallataj chaipi saquirishcacunata mandachunca, Safanpaj churi caj Ahicampaj churi Gedaliasta saquishcatapishmi yachaj chayarcacuna.

EZEQUIEL 20:21

Shina nicujpipish, paicunapaj huahuacunaca ñucata mana cazushpami c'ariyarcacuna, ñuca quillcachishcacunapi nishca shinapish mana causarcacunachu, ñuca huillachishcacunatapish mana cazurcacunachu. Chaicunata rurashpa pajtachij runaca causangami. Ñuca samana punllacunatapish yangatami rurarcacuna. Chaimantami shitashca pamballapitaj ñuca p'iñarishpa llaquichisha nicurcani.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

NÚMEROS 25:17

Madianitacunata macashpa huañuchigrichij.

NÚMEROS 31:2

“Madianitacuna israelcunata llaquichishcamanta paicunatapish llaquichichij. Chai q'uipaca cambaj yayacunahuan tandanacugringuillami” nircami.

NÚMEROS 33:49

Jordán yacu c'uchupi caj Moab pambapica, israelcunaca Bet-jesimot pueblomanta callarishpaca, Abel-sitim pueblocamami carpa huasicunata shayachishpa tiyarircacuna. Chashna shamunataca chaipimi tucuchirca.

NÚMEROS 7:15

shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

1 Corintios 10:8

Paicunamanta maijancuna shina ama huainayajcuna cashunchijchu. Chashnacunaca shuj punllallapimi, 23.000 huañurcacuna.

DEUTERONOMIO 3:29

Ñucanchijca, Bet-peor ch'imbapura pugru pambapimi saquirircanchij.

DEUTERONOMIO 32:38

¿Paicuna cushca animalcunapaj huirata micuj, paicuna tallishpa cushca vinota ubyaj dioscunaca maipitagari? Paicuna jatarishpa ayudachunri, paicuna shamushpa mitsachunri.

DEUTERONOMIO 4:3

Baal-peor diosmanta Mandaj Dios imata rurajtaca cancunapaj ñahuihuantajmi ricurcanguichij. Baal-peor diosta catijcunataca tucuicunatami, Mandaj Dios cancunapaj Taita Diosca cancunapaj chaupimantaca tucuita chingachirca.

JOSUÉ 2:1

Nunpaj churi Josueca, Sitim pambamantami ishqui runacunata Jericota purij shinalla ricushpa tigramuchun cachangapaj cashna nirca: “Jericó ima shinalla cashcata purij shinalla ricushpa tigramugrichij” nijpimi chai runacuna rishpa Jericoman chayashpaca, huainayashcahuan causaj Rahab shuti huarmipaj huasiman chayarcacuna. Chaipimi chai tutaca pacarircacuna.

JOSUÉ 22:17

Peor nishca diosta adorashca jucha cashcataca ¿manachu yuyaringuichij? Mandaj Diospaj israelcunaca chai diosta adorashpa mapayashcamantami huañurcacuna. Chai juchamantaca cunancama maparajmi canchij.

JOSUÉ 3:1

Cayandij tutamanta utca jatarishpami, Josueca Sitim pambamanta tucui israelcunandij Jordán yacu c'uchuman rircacuna. Chai yacuta manaraj ch'imbashpami chaillapi samarircacuna.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.