NÚMEROS 24:9 - Dios Rimashca Shimicunami

⁹ Pacajlla chaparashpa siricuj león shinami cangui. Pacajlla chaparashpa siricuj mama león shinami cangui. ¿Pitaj cantaca rijchachi tucungari? ¡Cancunata alli cashca cachun nijcunaca, alli cashca cachun. Cancunata imapish tucushca cachun nijcunaca, jatun llaqui tucushca cachun!” nircami.

NÚMEROS 24:9 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

GÉNESIS 27:29

Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

GÉNESIS 49:9

Judaca huahua leonmi. Ñuca huahualla, aichata japishpami huichiyarcangui. León shinallatajmi curpayashpa siringui. Jatun leonta shinallataj ¿pitaj rijchachi tucungari?

1 REYES 10:20

Gradacunapipish, ishquindij lado uripi chunga ishqui leontajllacunata churashcami carca. Shujtaj llajtacunapaj mandana huasicunapica, chai shina jatun tiyarinaca mana tiyarcachu.

2 CRÓNICAS 9:18

Chai tiyarinaca sujta gradacunatami charirca. Chai tiyanapi tiyarishpa chaquita churangapajpish, curimanta rurashcami tiyarca. Maquicunata samachinacunatapish ishquindij ladomanmi charirca. Ishquindij ladopimi, shuj shuj leoncunata rurashca shayacurca.

ESTER 6:13

Ña chayashpaca, Zeres shuti paipaj huarmimanpish, paihuan apanacujcunamanpish tucuitami parlarca. Chaita parlajpimi, paiman yuyaita cuj jatun yachajcunapish, paipaj huarmi Zerespish: –Chai Mardoqueo runa, judiocunapaj huahua huahuapura cajpica, mana mishai tucunguichu. Ashtahuanpish urmanguitajmi. Cunancarin ñami paipaj ñaupajpi pingai tucumushcangui– nircacunami.

JOB 41:10

¿Paitaca pitaj c'ari tucushpa rijchachi tucungari? Ñuca ñaupajpicarin ¿pitaj shayari tucungari?

SALMOS 122:6

Jerusalenpica sumaj causai tiyachun cashna mañaichigari: ¡Canta c'uyajcunaca achca allicunayuj tucushca cachun!

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

ÉXODO 23:22

Ashtahuanpish pai tucui imalla nishcata tucui shunguhuan uyashpa tucui ñuca nishcata pajtachijpica, canta p'iñajcunataca ñucami p'iñasha. Canta llaquichijcunataca ñucami llaquichisha.

ISAÍAS 31:4

Mandaj Diosca ñucamanca cashnami nirca: “León cashpa, uchilla león cashpapish ovejata huañuchishpa micucujpi tauca michijcuna tandanacushpa quichungapaj shamujpipish mana manchanchu. Caparinacushpa shamujpipish mana manchanchu. Tucuita Mandaj Diosca Sión urcu jahuapi, paipaj urcu jahuapi macanacunaman uriyamushpapish chashnallatajmi ruranga.

MIQUEAS 5:8

Shinallataj Jacobpaj huahua huahuacunaca achca llajtacuna, achca pueblocuna chaupipica sacha animalcunapaj chaupipi caj p'iña león shinami canga. Canlla ovejacunapaj chaupiman malta león yaicushca shinapishmi canga. Paicunata japishpa sarushpa micucujpipish, mana pi quishpichi tucungachu.

NÚMEROS 22:12

Chaimi Taita Diosca Balaamtaca: –Chai runacunahuanca ama richu. Chai gentecunataca imapish tucushca canman ama nigringuichu. Paicunaca ñuca alli nishcacunami– nirca.

NÚMEROS 22:6

Chai gentecunaca ñucata yalli c'ari c'aricunamari. Chaimanta paicunata ima llaquipish tucuchun ningapaj can shamuchunmi rogani. Can chashna rurajpica, chai gentecunata huañuchishpa cai llajtamanta chingachishapishchari. Maijanta can alli cashca cachun nijpipish, maijanta can imapish tucushca cachun nijpipish chashna tucuj cashcataca yachanimi. Chaimantami can shamuchun rogapani” nichunmi cacharca.

NÚMEROS 23:24

Cai israelcunaca león shinamari jataringa. León shinamari shayaringa. Leonca huañuchishpa millpungacama mana siririnchu. Huañuchishpa yahuarta ubyangacama mana siririnchu. Cai gentecunapish chashnallatajmi canga” nircami.

NÚMEROS 24:10

Shina nijpimi, Balacca, Balaamhuan nina sindirij shina p'iñarishpa maquicunapi huajtarishpa cashna nirca: –Cantaca, ñucata p'iñajcunata imapish tucushca canman nichunmi pushamurcani. Ashtahuanpish canca ñucata p'iñajcunataca, ñamari quimsa cutin alli cashca cachun ningui.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Mateo 25:45

Chaimi paicunataca: “Tucuimanta yalli cai uchillacunapaj ima allita mana rurashpaca, ñucapajmari mana rurarcanguichij” ninga. Chashnatajmi canga.

Hechos 9:5

Sauloca: –Amito ¿Pitaj cangui?– nijpi chai rimajca: –Ñucaca, can p'iñashpa llaquichina yuyailla llaquichicun Jesusmi cani. Garrucha puntapi huagra jaitashpa chugririj shinami canllataj llaqui tucucungui– nircami.

DEUTERONOMIO 30:7

Chaipica Mandaj Dios cancunapaj Taita Diosmi, cancunata llaquichicushca tucui cai llaquicunataca cancunata p'iñajcunapaj jahuaman, cancunata p'iñashpa catirashpa llaquichijcunapaj jahuaman cachanga.