NÚMEROS 24:8 - Dios Rimashca Shimicunami

⁸ Egiptomanta llujshichimuj Taita Diosca, búfalo huagra shina fuerzayujmi. Israelcunaca paicunata p'iñaj llajtacunataca millpungami. Paicunapaj tullucunatapish ñutungami. Israelcunaca paicunapaj flechacunahuan pasajtami satingacuna.

NÚMEROS 24:8 Iomraidhean Croise

SALMOS 2:9

Paicunataca fierro varahuan p'aquingui. Allpa mangata shina ñutungui” ninmi.

SALMOS 21:12

Paicunataca quiquinmi miticujta cachangui. Cambaj arcopimi puntajlla caspita churangui. Chaihuanmi paicunapaj ñahuipi shitashpa cachangui.

SALMOS 45:5

Quiquinpaj caspicunaca puntajllami. Chaihuanmi llajtacunataca urmachishpa quiquinpaj ucupi churangui. Jatun mandajta p'iñajcunapaj corazonpipish pasajtami yaicunga.

SALMOS 45:6

Taita Dios, quiquin mandashpa tiyanaca mana tucurij huiñaipajmi. Quiquin mandana varaca cashcata rurashpa mandana varami.

ÉXODO 23:22

Ashtahuanpish pai tucui imalla nishcata tucui shunguhuan uyashpa tucui ñuca nishcata pajtachijpica, canta p'iñajcunataca ñucami p'iñasha. Canta llaquichijcunataca ñucami llaquichisha.

ISAÍAS 38:13

Ñucaca pacaringacamami caparicurcani. Paica shuj león shinamari tucui ñuca tullucunataca cashtun. Ñahui quinllaillapimi ñucataca tucuchigringui.

JEREMÍAS 50:17

Israelcunaca, leoncuna catijpi chingarishca ovejacuna shinami. Puntaca Asiria llajtata jatun mandajmi micurca. Pai saquishcacunataca, Babilonia llajtata jatun mandaj Nabucodonosormi tucui tullucunata p'aquishpa micurca.

JEREMÍAS 50:9

Ñucamari janaj llajtamantaca Babilonia llajtata llaquichichun, tandanacushca c'ari c'ari runacunata pushamugrini. Chai janaj llajtamanta allichirishpa shamushpami, macanacushpa mishangacuna. Macanacunata alli yachaj c'ari c'ari runaca macanacuimantaca, mana chushajlla tigrangachu. Chashnallataj paicunapish puntajlla caspicunataca, shujllatapish mana yanga shitancunachu” ninmi.

DANIEL 6:24

Chai q'uipaca jatun mandajca Danielta juchachij mandajcunata pushamushpa paicunapaj huahuacunandij, paicunapaj huarmicunandij leoncunapaj jutcupi shitachun mandajpimi shitarcacuna. Paicuna chai jutcu ucujman manaraj chayajpimi, leoncunaca tullucunata p'aquishpa micurcacuna.

NÚMEROS 14:9

Shina cashcamanta Mandaj Diosta c'ariyashpa ama p'iñachichijchu. Chai llajtapi causajcunataca ama manchaichijchu. Paicunataca ñucanchijca tandata micuj shinallami chingachishun. Paicunata ayudajca paicunamanta anchurishcami. Ashtahuanpish Mandaj Diosmari ñucanchijhuanca. Chaimanta ama manchaichijchu– nircacunami.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

NÚMEROS 23:22

Egiptomanta llujshichimuj Taita Diosca, búfalo huagra shina fuerzayujmi.

NÚMEROS 23:24

Cai israelcunaca león shinamari jataringa. León shinamari shayaringa. Leonca huañuchishpa millpungacama mana siririnchu. Huañuchishpa yahuarta ubyangacama mana siririnchu. Cai gentecunapish chashnallatajmi canga” nircami.

Mateo 2:15

Herodes huañungacamami chaipi carca. “Egiptomantami ñuca Churitaca cayarcani” nishpa, profetaman Jatun Dios huillachishca pajtachunmi chashna tucurca.

DEUTERONOMIO 32:23

Paicunapaj jahuapica tucui laya llaquicunata ñucami churasha. Paicunata tucuchingapajmi puntajlla caspicunata shitasha.

DEUTERONOMIO 32:42

Ñuca puntajlla caspicunataca yahuarpimi pambasha. Ñuca espadaca aichacunatami millpunga. Huañushcacunapaj, prezucunapaj yahuartami millpunga. Ñucata p'iñaj mandajcunapaj umacunatami p'itinga' ningami.

DEUTERONOMIO 7:1

Mandaj Dios cancunapaj Taita Diosca cancunaman cugrin llajtaman cancunata yaicuchishpaca heteocunata, gergeseocunata, amorreocunata, cananeocunata, ferezeocunata, heveocunata, jebuseocunata cancunapaj ñaupajmanta llujshichishpa cachashpami chai achca llajtacunataca cancunaman cunga. Chai canchis llajtacunaca ashtahuan jatun llajtacunami. Cancunata yalli c'ari c'aricunami.

JOSUÉ 2:10

Cancuna Egiptomanta llujshishpa, Puca Cucha yacuta ch'imbachunpish, Mandaj Diosca chai yacuta chaquichishcatami yacharcanchij. Jordán jatun yacumanta ch'imbaman caj amorreocunata mandaj Sehón shuti, Og shuti jatun mandajcunatapish mishashpa tucuchishcatapish yachanchijmi.