NÚMEROS 24:7 - Dios Rimashca Shimicunami

⁷ Israelcunapaj yacuca jicharicunmi. Paicunapaj huahua huahuacunami yallitaj achca yacuta charingacuna. Israelcunata jatun mandajca, Agagta yallimari. Pai mandanaca jatunyachishcamari.

NÚMEROS 24:7 Iomraidhean Croise

2 SAMUEL 5:12

Chaimi Davidca israelcunata jatun mandaj cachun Mandaj Dios churashca cashcata yacharca. Pai agllashca israelcunata Mandaj Dios c'uyashcamanta David tucui mandacunca ashtahuan jatunyacushcatapishmi yacharca.

1 REYES 4:21

Salomonca Éufrates yacumantaca filisteocunapaj llajtacamami tucui chai llajtacunata mandarca. Chai lindeca Egiptohuan tupanacuncamami carca. Tucui chai llajtacunami Salomonpaj tucui causaipi imalla cuna cashcata cushpa, paipajta rurashpa causarcacuna.

1 REYES 5:1

Salomontaca paipaj yaya Davidpaj randi jatun mandaj cachun aceitehuan churashcata uyashpami, Tiro llajtata jatun mandaj Hiramca, paipajta rurajcunata paipajman cacharca. Hiramca Davidtaca tucui causaipimi c'uyarca.

1 CRÓNICAS 14:2

Chaimi Davidca israelcunata jatun mandaj cachun Mandaj Dios churashca cashcata, pai agllashca tucui israelcunata pai mandacuntaca jatunyachishcatapish yacharca.

ESDRAS 4:20

Jerusalenpica yallitaj c'ari c'ari jatun mandajcuna tiyashcata, paicunaca jatun yacumanta ch'imbanij llajtacunacama mandajcuna cashcata, paicunataca tributocunata, impuestocunata, imallamanta pagana cashcata pagachijcuna cashcatapishmi japircacuna.

ESTER 3:1

Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

SALMOS 18:43

Ñuca llajtapi causajcuna p'iñacunmantapish quishpichircanguimi. Llajtacunata jatun mandajtami rurarcangui. Mana rijsishca runacunami ñucapajtaca rurarcacuna.

SALMOS 68:26

¡Taita Diosta alli nichigari. Tandanacushcacunapi alli nichigari. Jatun Diostaca alli nichigari. Israelpaj huahua huahuacuna alli nichigari!

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

SALMOS 89:27

Ñucapish paimanca punta churi canatami cusha. Tucui cai pachapi jatun mandajcunapaj jahuapi canatami cusha.

ISAÍAS 2:2

Shamuj punllacunapica, Mandaj Diospaj huasi shayacun urcuca sinchita shayachishca tucui urcucunapaj uma shinami canga. Tucui urcucunata yalli jatun urcumari nishpa jatunyachishcami canga. Tucui llajtacunami chai urcuman callpamungacuna.

ISAÍAS 30:25

Yallitaj achcacunata huañuchicui punllapi torrecuna urmajpica, tucui jatun urcucuna jahuamanta yacucuna llujshishpami callpacunga. Jatun lomacuna jahuamanta jatun yacucuna llujshishpami callpacunga.

ISAÍAS 48:1

Jacobpaj huahuacuna, caita uyaichij. Cancunaca Israel shutitami apanguichij. Judapaj huahua huahuacuna, caita uyaichij. Mandaj Diospaj shutipi imatapish pajtachishami nijcuna caita uyaichij. Cancunaca israelcunapaj Diosta yuyarijcunami canguichij. Paita yuyarina shinatajca mana ruranguichijchu. Cashcatatajca mana ruranguichijchu.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 51:13

Jatun yacucuna chaupipi causajcunalla, cancunaca achcata charijcunami canguichij. Cancunapajca huañuimi chayamushca, cancuna jahuanpi jahuanpi charijyashca tucurinamari chayamushca.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

NÚMEROS 24:20

Amaleccunata ricushpapish shamuj punllacunapi paicuna imalla tucunatami cashna huillarca: “Amalecca llajtacunapaj umami. Ashtahuanpish tucuitaj chingachishcami canga” nircami.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 17:1

Chai q'uipaca canchis copacunata charicuj, canchis angelcunamanta shuj shamushpami, ñucahuan rimashpaca cashna nirca: “Achca yacucuna jahuapi tiyacuj huainayashpalla causaj huarmita ima shina jatunta llaquichina cashcata shamui ricuchisha nircami.

Apocalipsis 17:15

Cha angelca caitapish nircarajmi: “Chai huainayashpa causaj huarmi tiyacuj achca yacucunaca pueblocunami, achca gentecunami, tucui llajtacunami, ch'ican ch'ican rimaita rimajcunami.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.