NÚMEROS 24:6 - Dios Rimashca Shimicunami

⁶ Israelcunapaj carpa huasicunaca larca yacucuna shina huachujllami. Jatun yacu uripi tiyaj huertacuna shinami. Mandaj Dios tarpushca áloe yuracuna shinami. Yacucuna uripi tarpushca cedro yuracuna shinami.

NÚMEROS 24:6 Iomraidhean Croise

GÉNESIS 13:10

Shina nijpi Lot ricushpaca Jordán yacu pambataca achca yacu regaricushcamanta Mandaj Diospaj huerta shinata, Zoar pueblo ch'imbapurapi caj Egipto llajta shina cajtami ricurca. Chai pambaca Sodoma, Gomorra pueblocunata Mandaj Dios manaraj chingachijpimi chashna carca.

SALMOS 1:3

Chai runaca yacu uripi tarpushca yura shinami canga. P'ucuna punllacunapitaj p'ucuj shinami canga. Chai yuramantaca p'angacunapish mana urmanchu. Tucui imata pai rurashcapish allimi llujshinga.

SALMOS 104:16

Mandaj Diospaj yuracunaca achca yacucunahuan jundami. Líbano urcupi pai tarpushca cedro yuracunapish achca yacucunahuan jundami.

SALMOS 45:8

Tucui quiquinpaj churanacunami mirrahuan, aloehuan, casiahuan mishquijllata ashnacuj. Marfilhuan rurashca mandana huasimantami quiquintaca alabancuna.

CANTARES 6:11

Pugru pambapi imalla p'ucushcata ricunamanmi, nogalcunata tarpushca huertamanmi rircani. Uva huiñacushcata, granadacuna sisacushcatami ricunaman rircani.

ISAÍAS 41:19

Shitashca pambacunapica cedro, acacia, arrayán olivo yuracunatami huiñachisha. Chaquishca allpapica ciprés, olmos, boje yuracunatami chagru huiñachisha.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

JEREMÍAS 17:18

Ñucata manchachinapaj randica, ñucata p'iñajcunata manchachiyari. Ñucata pingachinapaj randica, paicunata pingachiyari. Paicunapajca jatun llaqui punllata apamuiyari. Yuyarishpa, yuyarishpa llaquichiyari.

JEREMÍAS 31:12

“Paicuna tigramushpaca, jatun cushicuihuan cantashpamari, Sión urcuman huichiyangacuna. Mandaj Dios cushca allicunata chasquingapajmi, callpashpa shamungacuna. Pai cushca tucui laya sumaj micunahuan, vinohuan, aceitehuan, ovejacunahuan, huagracunahuanmi cushicungacuna. Punllanta yacuta regashca huerta shina cushijllatami causangacuna. Manataj cutinca ima llaquita charingacunachu.

EZEQUIEL 47:12

Cai yacu ishqui lado uripipish, tucui laya frutacunata p'ucuj yuracunami huiñanga. Chai yura p'angacunaca manataj urmangachu, micunapish manataj illangachu. Diospaj huasimanta yacu llujshicushcamantami, chai yuracunaca p'ucuna punllacunami micuna frutacunata p'ucungalla, p'angacunapish jambimi canga.

JOEL 3:18

Chai punllapica urcucunamantaca llullu vinomi llujshinga, lomacunamantaca lechemi talliringa. Judá llajtapi tiyaj tucui larcacunataca, achca yacumi callpanga. Mandaj Diospaj huasimantapish achca yacu llujshishpami, Sitim pugru pambapi regaringa.

NÚMEROS 24:5

¡Jacob cambaj carpa huasicunaca yallitaj sumajmari. Israel cambaj causanaca yallitaj sumajmari!