NÚMEROS 24:5 - Dios Rimashca Shimicunami

⁵ ¡Jacob cambaj carpa huasicunaca yallitaj sumajmari. Israel cambaj causanaca yallitaj sumajmari!

NÚMEROS 24:5 Iomraidhean Croise

NEHEMÍAS 13:2

Paicunaca israelcunataca micunahuan yacuhuan tupangapajca mana llujshircacunachu. Ashtahuanpish Balaamman cullquita cushpami: Israelcunaca llaqui tucushca alli canman ni nirca. Chashna llaqui tucuchun nijpipish, ñucanchij Taita Diosmi Balaamtaca allicunata cuchun nichirca. Chaimanta paicunahuanca amataj tandanacunguichij nishcami carca.

SALMOS 84:2

Ñuca almaca Mandaj Diospaj huasi canllapi purinaihuanmari yallitaj huañucun. Ñuca shunguhuan ñuca almahuanca causaj Taita Diostami cantacun.

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

CANTARES 6:4

Ñuca c'uyashcalla, canca sumajmari cangui. Tirsa pueblo shina, Jerusalén shina munananquimari cangui. Catinacushpa manchachinaman shamuj soldadocuna shinamari cangui.

LEVÍTICO 23:42

Chai punllacunapica canchis punllacunata ramacunahuan rurashca chugllacunapi causanguichij. Israeltaj cajcunaca chai punllacunapica chai carpa huasita shayachishcallapi tucuicuna causanguichij.

MALAQUÍAS 2:12

Jacobopaj huahua huahuapuramantaca, cuidaj cachunpish, cutichij cachunpish, tucuita Mandaj Diosman imalla cuna cashcata cuj cachunpish anchuchingallami.

NÚMEROS 2:34

Israelcunaca Mandaj Dios Moisesta mandashca shinallatajmi tucuita rurarca. Paicunaca cada ñaupa yayamanta ima shina mirarimushca shinallatajmi, cada familia quiquin bandera c'uchupi carpa huasicunata shayachishpa causajcuna carca. Puri callarishpapish chashnallatajmi rijcuna carca.

NÚMEROS 24:2

Chaimantaca israelcunaca cada aillu ch'ican ch'ican paicunapaj carpa huasicunata shayachishpa tiyacujtami ricurca. Diospaj Espíritu paipaj jahuaman shamujpimi,

NÚMEROS 24:4

Taita Dios imalla nishcacunata uyashpa huillajca cashnami nin. Paica urmarcami. Ñahui pascashcami urmarca. Chaipica Pailla Tucuita Rurai Tucuj Dios muscuipi shina ricurishpa huillashcatami uyarca.

NÚMEROS 24:6

Israelcunapaj carpa huasicunaca larca yacucuna shina huachujllami. Jatun yacu uripi tiyaj huertacuna shinami. Mandaj Dios tarpushca áloe yuracuna shinami. Yacucuna uripi tarpushca cedro yuracuna shinami.

DEUTERONOMIO 33:29

Israel, canca cushijllami cangui. Shujtaj llajtacunaca mana cancunata shina Mandaj Dios quishpichishcaca tiyanchu. Paica canta pacaj escudomi. Can mishana espadami. Canta p'iñajcunaca cumuringacunami. Paicunapaj lomacunapi tiyaj altarcunatapish canmi sarungui” nircami.

JOSUÉ 24:10

Balaam runa israelcunata llaqui tucushca canman nichunca ñuca mana saquijpimi, paica israelcunata llaqui tucushca canman ninapaj randica, alli cashca cachun nishpa cutin cutin nirca. Chashnami cancunataca paicunapaj maquimanta quishpichircani.