NÚMEROS 24:4 - Dios Rimashca Shimicunami

⁴ Taita Dios imalla nishcacunata uyashpa huillajca cashnami nin. Paica urmarcami. Ñahui pascashcami urmarca. Chaipica Pailla Tucuita Rurai Tucuj Dios muscuipi shina ricurishpa huillashcatami uyarca.

NÚMEROS 24:4 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 15:12

Ña inti huashicucuitami Abramtaca yallitaj dorminai japirca. Paipaj jahuamanca yallitaj amsa shamujpimi achcata mancharirca.

1 REYES 22:17

Shina nijpi Micaiasca: “Tucui israelcunatami michij illajlla ovejacuna shina urcucunapi caita chaita puricujta ricurcani. Chaimi Mandaj Diosca: Caicunaca mandaj illajllamari puricuncuna. Tucuicuna imata mana manchashpa paicunapaj huasicunaman tigrachunlla nirca” nircami.

SALMOS 89:19

Quiquinpaj jucha illaj runamanmi muscuipi shina rimashpa cashna nircangui: “Ñuca ayudanataca c'ari c'ari cajmanmi curcani. Ñucapajlla cajcunamanta shujta agllashpami jatunyachircani” nircanguimi.

EZEQUIEL 1:28

Ima shinami tamya punlla p'uyu chaupipi cuichi ricurin, chai shinallatajmi chai achij nicujca ricurirca. Mandaj Diospaj sumaj cashcaman rijchajmi, muscuipi shina ricurirca. Chaita ricushpaca, ñuca ñahui pambaman tupajtami cumurircani. Chaimantaca ñapish shuj rimashcatami uyarcani.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.

NÚMEROS 22:20

Chai tutami Taita Diosca Balaamman ricurishpaca: –Cai runacuna canta pushashataj nijpica, jatarishpa paicunahuan rilla. Paicunahuan rishpapish ñuca ima nishcallatami rurana cangui– nirca.

NÚMEROS 22:31

Mandaj Dios Balaampaj ñahuita pascajpimi, Balaamca Mandaj Diospaj ángel espadata maquipi aisashca chaupi ñanpi shayacujta ricurca. Chaimi Balaamca cungurishpa pambaman tupajta cumurirca.

NÚMEROS 24:15

Chaipica shamuj punllacunapi imalla tucuna cashcatami cashna nishpa huillarca: “Beorpaj churi Balaamca cashnami nin. Alli ricushpa huillaj runaca cashnami nin.

NÚMEROS 24:5

¡Jacob cambaj carpa huasicunaca yallitaj sumajmari. Israel cambaj causanaca yallitaj sumajmari!

Hechos 10:10

Pedroca chaipi cashpami achcata yaricachirca. Micunata huasiyuj yanungacamaca muscuipi ricurij shinatami ricurca.

Hechos 10:19

Chai ricushcata Pedro yuyaricujpirajmi Taita Diospaj Espirituca cashna nirca: “Cantaca quimsa runacunami mashcacun.

Hechos 22:17

Jerusalenman tigramushpa, Taita Diospaj huasipi mañacushpami muscuipi shinata ricurcani.

Apocalipsis 1:10

Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

1 SAMUEL 19:24

Chaipimi Saulca paipaj churanacunata llujshichirishpa, caishujcuna shinallataj Samuelpaj ñaupajpi Dios huillachishcata huillarca. Chaipica tucui punlla tucui tutami Samuelpaj ñaupajpi lluchulla carca. Chai punllamanta pachami: “Saulpish Dios huillachishcata huillajcunapuramari” nincuna.