NÚMEROS 24:2 - Dios Rimashca Shimicunami

² Chaimantaca israelcunaca cada aillu ch'ican ch'ican paicunapaj carpa huasicunata shayachishpa tiyacujtami ricurca. Diospaj Espíritu paipaj jahuaman shamujpimi,

NÚMEROS 24:2 Iomraidhean Croise

2 CRÓNICAS 15:1

Macanacuimanta Asa tigracujpi Obedpaj churi Azarías tupashpaca, Diospaj Espíritu japijpimi cashna nirca: “Can Asapish, Judá soldadocunapish, Benjamín soldadocunapish caita uyaichij. Mandaj Diosca cancuna paimanta mana anchurishcamantaca, paipish cancunahuanmi. Cancuna paita mashcashpaca, japinguichijmi. Ashtahuanpish cancuna paimanta anchurijpica, paipish cancunamanta anchuringami.

CANTARES 6:10

¿Tutamanta achijyacuj shinapish, sumaj luna shinapish, inti achij nicuj shinapish, catinacushpa manchachinaman shamucuj soldadocuna shinapish shamucuj huarmica pitagari?

CANTARES 6:4

Ñuca c'uyashcalla, canca sumajmari cangui. Tirsa pueblo shina, Jerusalén shina munananquimari cangui. Catinacushpa manchachinaman shamuj soldadocuna shinamari cangui.

NÚMEROS 24:5

¡Jacob cambaj carpa huasicunaca yallitaj sumajmari. Israel cambaj causanaca yallitaj sumajmari!

Mateo 10:4

Canaán quiquin llajtamanta macanacujpuramanta Simonpish, Jesusta huañuchichun japichij Judas Iscariotepishmi carca.

Mateo 10:8

Ungushcacunata, alliyachichij, leprahuan cajcunata chuyayachichij, huañushcacunata causachichij, supai japishcacunamantapish supaicunata llujshichichij. Chaicunataca cancunaca Taita Dios c'uyashpa cushcallatami chasquircanguichij. Cancunapish c'uyashcallamanta alliyachinguichijlla.

Mateo 7:22

Chai punllapica achcacunami ñucataca: “Mandaj Jesús, Mandaj Jesús, cambaj shutipimi huillarcanchij, cambaj shutipimi supaicunata llujshichircanchij, cambaj shutipimi achca milagrocunatapish rurarcanchij” ningacunami.

Lucas 10:20

Cancunaca supaicunata cazuchishpallaca ama cushicuichijchu. Ashtahuanpish cancunapaj shuticuna jahua pacha libropi quillcashca cashcamanta cushicuichij– nircami.

Apocalipsis 1:10

Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

JUECES 3:10

Otonielca Mandaj Diospaj Espíritu paipaj jahuaman shamujpimi, israelcunapaj juez tucurca. Pai macanacunaman llujshijpica Siria llajtata jatun mandaj Cusan-risataimtaca Otonielpaj maquipimi Mandaj Diosca churarca. Chaimi Otonielca Cusan-risataimtaca misharca.

1 SAMUEL 10:10

Paicuna chai lomaman chayajpica, achca profetacuna tandanacushcami tupanaman llujshircacuna. Chaipimi Diospaj Espíritu tucuita rurai tucuj cashcahuan paipaj jahuaman shamujpi, paicunahuan paicuna shinallataj Dios huillachishcata huillarca.

1 SAMUEL 19:20

Chaimi Saulca huillashpa purij runacunataca Davidta pushamuchun cacharca. Paicunaca Dios huillachijpi huillaj achcacuna huillacujtami ricurcacuna. Samuelpish chaipi cajta, paicunataca Samuel pushacujtami ricurca. Ashtahuanpish Saúl cachashca huillashpa purijcunapaj jahuamanpish Diospaj Espíritu shamujpimi, paicunapish Dios huillachishcata huillarcacuna.

1 SAMUEL 19:23

Ramá pueblopi caj Naiotman Saúl ricujpica, paipaj jahuamanpish Diospaj Espíritu shamujpimi, paipish Ramá pueblopi caj Naiotman chayangacama Dios huillachishcata huillaihuan chayagrirca.