NÚMEROS 24:14 - Dios Rimashca Shimicunami

¹⁴ Cunanca ñucaca ñuca gentecunapajmanmi ña rigrini. Shina cashpapish, q'uipa punllacunapi israelcuna cambaj gentecunata imata rurana cashcata huillangapaj shamui– nircami.

NÚMEROS 24:14 Iomraidhean Croise

GÉNESIS 49:1

Jacobca, paipaj churicunata cayashpaca: “C'uchuyamuichij q'uipa punllacunapi cancuna ima shina canatami ñucaca huillagrini” nishpaca paica cashnami nirca:

ISAÍAS 24:22

Chaicunataca tucuicunatami montonanga. Pamba ucupi prezushcacunata shinami montonanga. Carcelpi huichcashcami saquiringacuna. Achca punllacuna q'uipaca llaquichishcami canga.

JEREMÍAS 48:47

Mandaj Diosca cashnami nin: “Shina cajpipish q'uipa punllacunapica Moab llajtamanta prezu apashcacunata tigrachimushami” ninmi. Moab llajtata llaquichinata huillashca shimicunaca caicamallami.

JEREMÍAS 49:39

Shina cashpapish shamuj punllacunapica, Elam llajtamanta prezu apashcacunataca, cutinllatajmi tigrachisha” ninmi Mandaj Diosca.

DANIEL 10:14

Ñucaca, q'uipa punllacunapi cambaj llajtacuna imalla tucuna cashcatami huillaj shamurcani. Muscuipi shina can ricushcaca, chai punllacunapi chashna tucunami” nircami.

DANIEL 2:28

Shina cajpipish pi mana yachai tucuipajcunata ricuchij Taita Diosmi jahua pachapi tiyan. Paimari can jatun mandaj Nabucodonosormanca, q'uipa punllacuna imalla tucunata ricuchishca. Jatun mandaj cambaj camapi cashpa can muscushpa, muscuipi shina imallata ricushcaca caimi:

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

NÚMEROS 24:25

Chai q'uipaca, Balaamca, paipaj llajtamanmi tigrarca. Balacpish pai maiman rina cashcaman rircallami.

Hechos 2:17

“Taita Diosca cashnami nishca: Q'uipa punllacunapica, ñuca Espiritutami tucuicunapaj jahuapi tallisha. Chaipica cancunapaj churicuna, ushushicunapishmi Taita Dios huillachishcata huillangacuna. Cancunapaj q'uipa huiñaicunaca, muscuipi shinami ricungacuna. Cancunapaj yuyajcunapish muscungacunami.

2 Timoteo 3:1

Caitapishmi yachana cangui, cai punllacuna tucurinapajca llaqui punllacunami shamunga.

JOSUÉ 13:22

Israelcunaca chaicunata huañuchicushpaca, Beor shuti runapaj churi Balaam shuti adivino runatapishmi huañuchircacuna.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.