NÚMEROS 24:1 - Dios Rimashca Shimicunami

¹ Israelcunataca Mandaj Diosca alli cashca cachun nichunllataj munacushcata ricushpami, Balaamca ñaupacunaman ishqui cutin tapushca shinallatajca mana tapugrirca. Ashtahuanpish shitashca pamba ladoman muyurishpami shayarirca.

NÚMEROS 24:1 Iomraidhean Croise

NÚMEROS 22:13

Shina nijpi Balaamca cayandij tutamanta utcata jatarishpa Balac cachashca pushajcunamanca: –Cancunapaj llajtaman tigraichijlla. Ñucataca Mandaj Diosmi cancunahuanca ama richun nin– nircami.

NÚMEROS 22:7

Chaimi moabitacunata cunaj yuyajcunapish, madianitacunata cunaj yuyajcunapish adivinashcamanta cungapaj convidanacunata apashpa rircacuna. Balaampajman chayashpaca, Balac imallata nishcatami huillarca.

NÚMEROS 23:15

Chaipimi Balaamca Balactaca: –Canca can cushpa tucui rupachicushca c'uchullapitaj shuyacui. Ñucaca Taita Dioshuan tupangapajmi rini– nirca.

NÚMEROS 23:20

Israelcunata alli cashca cachun ninatamari Taita Diosmantaca chasquircani. Israelcunata alli cashca cachun ninataca paimari curca. Chaimanta ñucaca maitataj imapish tucushca cachun nishari.

NÚMEROS 23:23

Jacobpaj huahua huahuacunata llaquichingapajca brujocunaca mana tiyanchu. Israelcunata llaquichingapajca adivinocunaca mana tiyanchu. Ashtahuanpish Taita Dios Jacobpaj, israelcunapaj sumaj allicunata rurashcata ricushpaca cunan shinallatajmi mancharingacuna.

NÚMEROS 23:28

Shina nishpaca Balacca, Balaamtaca shitashca pambacunata tucuita ricunalla Peor shuti urcu puntamanmi pusharca.

NÚMEROS 23:3

Balaamca, Balactaca cashnami nirca: –Canca can cushpa tucui rupachicushca c'uchullapitaj shuyacui. Ñucaca Mandaj Dios ñucahuan tupangapaj shamungapishchari. Paihuan tupanamanmi rini. Pai ñucaman imata huillashcata canman yachaj chayachishami– nishpaca, shitashca lluchulla urcumanmi rirca.

NÚMEROS 23:30

Shina nijpimi Balacca, Balaam nishca shina rurashpa cada altarpi shuj bizita, shuj carnerota cushpa rupachirca.

NÚMEROS 31:16

Chai huarmicunami Balaam runa mandashcata uyashpa israelcunataca Baal-peor nishca diosta adoranaman pushashpa Mandaj Diospaj ñaupajpi juchallichirca. Chaimantami Mandaj Diosca huañuchij llaquita cachashpa israelcunataca huañuchirca.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.

1 SAMUEL 24:20

Cunantajca israelcunata can mandana cashcata yachanimi. Israelca can mandacun maquipi cashpaca pi mana cuyuchipaj sinchimi canga.

1 SAMUEL 26:2

Chaimi Saúl jatarishpaca Zifpi tiyaj shitashca c'acacunaman rirca. Paica Davidta mashcangapajmi israelcunamanta agllashca 3.000 runacunata paihuan pushashpa, chai Zifpi tiyaj shitashca c'acacunaman rirca.

1 SAMUEL 26:25

Saulca Davidtaca: –Ñuca huahua David, cantaca Taita Dios alli nichun. Tucui ima jatunta rurashpapish allitami rurangui– nijpimi Davidca, pai maiman ricushca ñanllatataj rirca. Saulpish pai maipi cashcallamantaj tigrarcallami.