NÚMEROS 23:9 - Dios Rimashca Shimicunami

⁹ Cai peña urcucuna puntamantami israelcunataca ricuni. Cai lomacunamantami israelcunataca ricuni. Israelcunaca ima manchai illajllami causacuncuna. Israelcunaca shujtaj llajtacuna shina mana causancunachu.

NÚMEROS 23:9 Iomraidhean Croise

ESDRAS 9:2

Israelcunaca cai llajtapi causajcunapaj ushushicunatami paicunapaj huarmicuna cachun, paicunapaj churicunapaj huarmicuna cachun japishcacuna. Chashnami Dios agllashca jucha illaj israelcunaca cai llajtapi causajcunahuan chagrurishpa mapayashcacuna. Chashna yallitaj millaita ruranataca israelcunata pushajcunarajmi callarircacuna” nishpami huillarcacuna.

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

ÉXODO 33:16

Can mana ñucanchijhuan rijpica ¿ima shinataj ñucapish can agllashca israelcunapish canpi shunguta churashpa ashtahuan cambaj munaita rurashunyari? Chashna cajpimi ñucanchijca shujtaj llajtacunamanta ñucanchijtaca ch'icanyachishca cashcata yachashun– nircami.

JEREMÍAS 46:28

Jacobopaj huahuacunalla, cancunaca ñucata servijcunamari canguichij, ama manchaichijchu. Ñucamari cancunahuan casha. Ñuca llujshichishpa cachajpi, cancunata apashca llajtacunata tucuchishpapish, cancunataca mana tucui chingachishachu. Ashtahuanpish cancunataca llaquichina shinallatami llaquichisha. Shina cashpapish, cancunataca llaquichinatajmi cani ninmi Mandaj Diosca” nircami.

JEREMÍAS 49:31

Ñuca, Mandaj Diostajmi paicunataca cashna mandarcani: Imata mana yuyashpa, ima manchai illajlla paicunalla causajcunata llaquichigrichij. Paicunaca pungucunapish, aldabacunapish illajlla pueblocunapimi causancuna.

AMÓS 9:9

Israelcunataca, ajichupi trigota shushushca shina cachunmi shujtaj llajtacunapi llaquita apachun cachasha. Chaipimi paicunaca, racu granolla ajichupi saquirij shina saquiringacuna. Shuj granollapish allpamanca mana urmangachu.

MIQUEAS 7:14

Mandaj Dioslla, can agllashcacunataca, cambaj tauna caspihuan michipangui. Paicunaca alli q'uihua tiyan urcullapi causaj, can agllashca canlla ovejacuna shinami. Paicunataca ñaupa punllacunapi shinallataj Basán urcu, Galaad urcu q'uihuacunaman pushapangui.

2 Corintios 6:17

Chaimanta: “Paicunapaj chaupimanta llujshimuichij, ch'icanyarichij” ninmi Jatun Diosca. Shinallataj: “Ima mapata ama japirichijchu. Chashna rurajpica, cancunataca chasquishami.

DEUTERONOMIO 32:8

Jahua pacha Diosca gentecunata mirga mirgata rurashpa llajtacunata rurashpaca, tucuicunamanmi quiquin llajtacunata curca. Ashtahuanpish israelcunamanca mashna cashcapaj pajtatami curca.

DEUTERONOMIO 33:28

Israelcunaca ima manchai illajllami causanga. Jacobpaj huahua huahuacunaca ch'ican paicunallami causanga. Trigo, vino yallitaj tiyan llajtapimi causanga. Jahua pachapish tamyachicungallami.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.