NÚMEROS 23:3 - Dios Rimashca Shimicunami

³ Balaamca, Balactaca cashnami nirca: –Canca can cushpa tucui rupachicushca c'uchullapitaj shuyacui. Ñucaca Mandaj Dios ñucahuan tupangapaj shamungapishchari. Paihuan tupanamanmi rini. Pai ñucaman imata huillashcata canman yachaj chayachishami– nishpaca, shitashca lluchulla urcumanmi rirca.

NÚMEROS 23:3 Iomraidhean Croise

GÉNESIS 22:13

Shina nijpi Abraham ricunapajca, paipaj huashanijpi shuj carnero zarza casha yurapi gachucuna churarishpa shayacujtami ricurca. Abrahamca chai carnerota japishpami, paipaj churipaj randi Taita Diosman cushpa tucui rupachirca.

GÉNESIS 22:2

Chaipimi Taita Diosca Abrahamtaca: –Cunanca cambaj c'uyashca shujlla churi Isaacta pushashpa, Moriah llajtaman ri. Chaipi tiyaj urcucunamanta shuj urcutami canman ricuchisha. Chai urcupi Isaactaca ñucaman cushpa tucui rupachingui– nirca.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

LEVÍTICO 1:1

Mandaj Diosca Moisesta cayashpami, paihuan tupana carpa huasimanta cashna nirca:

NÚMEROS 23:12

Chaimi Balaamca Balactaca: –Mandaj Dios ñuca shimipi churashcallatami rimana cani– nirca.

NÚMEROS 23:15

Chaipimi Balaamca Balactaca: –Canca can cushpa tucui rupachicushca c'uchullapitaj shuyacui. Ñucaca Taita Dioshuan tupangapajmi rini– nirca.

NÚMEROS 23:2

Balacca Balaam nishca shinallatajmi rurarca. Chaipimi Balacpish, Balaampish shuj bizihuan, shuj carnerohuan cada altarpi churashpa rupachircacuna.

NÚMEROS 23:26

Chaimi, Balaamca Balactaca: –Manachu ñucaca Mandaj Dios ñucata imata nichun nishcallatami nisha nircani– nirca.

NÚMEROS 23:4

Taita Dios chai urcupi Balaamhuan tupanaman shamujpimi, Balaamca Taita Diostaca: –Canchis altarcunata rurashpa shayachichun mandashpa chai altarcunapica, cada altarpi shuj bizita, shuj carnerota cushpa rupachishpami shamurcani– nirca.

NÚMEROS 24:1

Israelcunataca Mandaj Diosca alli cashca cachun nichunllataj munacushcata ricushpami, Balaamca ñaupacunaman ishqui cutin tapushca shinallatajca mana tapugrirca. Ashtahuanpish shitashca pamba ladoman muyurishpami shayarirca.

Mateo 4:8

Cutinllatajmi Diabloca, tucuimanta yalli jatun urcu jahuaman Jesusta pushashpa, tucui cai pachapi mandanacunata, sumajcunata ricuchishpaca,

JOSUÉ 24:10

Balaam runa israelcunata llaqui tucushca canman nichunca ñuca mana saquijpimi, paica israelcunata llaqui tucushca canman ninapaj randica, alli cashca cachun nishpa cutin cutin nirca. Chashnami cancunataca paicunapaj maquimanta quishpichircani.