NÚMEROS 23:27 - Dios Rimashca Shimicunami

²⁷ Chaimi, Balacca Balaamtaca: –Cunanca shujtajmanmi pushagrini. Chaiman ñucahuan richunmi rogani. Chaimanta israelcunata imapish tucushca canman nichun Taita Dios saquingapishchari– nirca.

NÚMEROS 23:27 Iomraidhean Croise

JOB 23:13

Ashtahuanpish pai imata rurasha nishcataca ¿pitaj shujtajyachingari? Pai munashcatami rurarca.

PROVERBIOS 19:21

Runacunaca imatapish yuyanllami. Ashtahuanpish Mandaj Diospaj munaillami pajtan.

PROVERBIOS 21:30

Ima alli yachaipish, alli yuyaipish, alli cunashcapish Mandaj Diospaj munaitaca mana shujtajyachi tucunchu.

ISAÍAS 14:27

Tucuita Mandaj Dios chashnataj rurashami nishcataca ¿pitaj jarcai tucungari? Pai maquita chutaracuntaca ¿pitaj tandachi tucungari?

MALAQUÍAS 3:6

Jacobpaj huahuacuna, Mandaj Dios ñucaca manataj shujtajyanichu. Chaimantami cancunaca mana chingachishca canguichij.

NÚMEROS 22:6

Chai gentecunaca ñucata yalli c'ari c'aricunamari. Chaimanta paicunata ima llaquipish tucuchun ningapaj can shamuchunmi rogani. Can chashna rurajpica, chai gentecunata huañuchishpa cai llajtamanta chingachishapishchari. Maijanta can alli cashca cachun nijpipish, maijanta can imapish tucushca cachun nijpipish chashna tucuj cashcataca yachanimi. Chaimantami can shamuchun rogapani” nichunmi cacharca.

NÚMEROS 23:13

Balacca: –Cunanca israelcuna causacun carpa huasicunata maimantami mana tucuita ricunalla, chaiman jacu. Chaimanta paicunataca imapish tucushca cachun ningui– nircami.

NÚMEROS 23:26

Chaimi, Balaamca Balactaca: –Manachu ñucaca Mandaj Dios ñucata imata nichun nishcallatami nisha nircani– nirca.

NÚMEROS 23:28

Shina nishpaca Balacca, Balaamtaca shitashca pambacunata tucuita ricunalla Peor shuti urcu puntamanmi pusharca.

Romanos 11:29

Diosca pai cushcacunataca manataj quichunchu, pai cayashcatapish manataj anchuchinchu.