NÚMEROS 23:23 - Dios Rimashca Shimicunami

²³ Jacobpaj huahua huahuacunata llaquichingapajca brujocunaca mana tiyanchu. Israelcunata llaquichingapajca adivinocunaca mana tiyanchu. Ashtahuanpish Taita Dios Jacobpaj, israelcunapaj sumaj allicunata rurashcata ricushpaca cunan shinallatajmi mancharingacuna.

NÚMEROS 23:23 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

SALMOS 31:19

Quiquinpaj c'uyaica yallitaj jatunmi. Chaitaca quiquinta manchajcunapajmi huaquichishcangui. Quiquinpi shunguta churajcunapimi ricuchishcangui. Chaitaca huañujlla aichayuj runacunapaj ñaupajpimi ricuchishcangui.

SALMOS 64:9

Chaimantaca tucuicunami mancharingacuna. Taita Dios imallata rurashcatami huillangacuna. Chaipimi pai imallata rurashcata entendingacuna.

ISAÍAS 41:4

¿Caitaca pitaj rurarcari? ¿Pitaj chashna rurashca cangari? Callarimanta huahua huahua mirarichunca ¿pitaj churarcari? Mandaj Dios ñucaca callarimantapachami cani. Tucuringacamami ñucallataj casha” ninmi.

ISAÍAS 44:25

Adivinocuna imalla huillashca ama pajtachunpish ñucami yanganchini. Brujocunatapish ñucami muspachini. Yachaisapacunatapish, ñucami huashaman tigrachini. Paicuna yachashcatapish ñucami yangapi churani.

EZEQUIEL 21:21

Babilonia llajtata jatun mandajca, ishqui ñancuna chaupipimi mana maita ri tucushpa shayacunlla. Paica maita rinata mana yachashcamantami, puntajlla caspicunahuan suerteta rurashpa, rurashcalla dioscunata tapushpa, yana shungupi ricushpa shayacun.

DANIEL 9:15

Jatun Dios, ñucanchij Taita Dios quiquin agllashcacunataca quiquinpaj tucuita rurai tucuj maquihuanmi Egiptomanta llujshichircangui. Chashna rurashpami quiquinca tucuita rurai tucuj cashca rijsirircangui. Ñucanchijmari juchallishcanchij, quiquinta mana rijsijcuna shinami millaita rurashcanchij.

MIQUEAS 7:15

Egipto llajtamanta llujshichimui punllapi jatun mancharinacunata ricuchishca shinallatajmi paicunamanpish ricuchisha.

NÚMEROS 24:1

Israelcunataca Mandaj Diosca alli cashca cachun nichunllataj munacushcata ricushpami, Balaamca ñaupacunaman ishqui cutin tapushca shinallatajca mana tapugrirca. Ashtahuanpish shitashca pamba ladoman muyurishpami shayarirca.

Mateo 12:25

Jesusca paicuna ima shina yuyacujta yachashpami cashna nirca: “Maijan llajtapipish mandajcunapurallataj p'iñanacushpa chaupirijpica, paicuna mandacushcaca chingarinmanllami. Maijan pueblopi causajcunapish, huasi ucupi causajcunapurapish quiquinpurallataj p'iñanacujpica chingarinmanllami.

Mateo 12:27

Ñucataca Beelzebú diablohuan cashcamantami, supaicunataca llujshichicun ninguichijmi. Cancunapaj yachacujcunapish ¿pihuan cashpataj supaicunataca llujshichincunari? Supaicunata paicuna llujshichishpaca, ñucaca Taita Diosmanta cashcata, cancuna pandaricushcatami ricuchin.

Mateo 16:18

Ñucapish cantaca Pedromi cangui ninimi. Cai rumi jahuapimi, tandanacushca crijcunataca shayachisha. Hadespaj pungucunapish mana mishai tucungachu.

Juan 11:47

Chaimantaca curacunata mandajcuna, fariseocunapish, mandajcunapurallami tandanacurcacuna. Chashna tandanacushpaca: –Cai runaca pi mana rurai tucuipajtamari achcata ruracun ¿imatataj rurashunri?

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 15:12

Chaita uyashpa chaipi caj achcacuna upallashpaca Bernabepish, Pablopish imalla parlashcatami uyarcacuna. Paicunaca pi mana ruraipajcunatapish, mancharinacunatapish mana judiocunapaj ñaupajpi paicunata Taita Dios rurachishcatami parlarcacuna.

Hechos 4:16

cashna nircacuna: –¿Imatataj cai runacunataca rurashun? Paicunaca pi mana rurai tucuipaj mancharinataca Jerusalenpimi rurashpa ricuchin. Tucui chaipi causajcunami chashna rurashcataca alli yachancuna. Chaimanta mana chashnachu rurashca nishpapish mana ni tucunchijchu.

Hechos 5:12

Apostolcunataca pi mana ruraipajcunatapish mancharinacunatapish tucuicunapaj ñaupajpimi Taita Diosca achcata rurachirca. Crijcunaca Salomonpaj nishca corredorpimi, tucuicuna shuj yuyailla tandanacuj carca.

Hechos 5:14

C'aricunapish huarmicunapish Mandaj Jesusta crishpaca, achcacunami ashtahuan mirarircacuna.

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

DEUTERONOMIO 3:24

Mandaj Jatun Dios quiquinpajta ruraj ñucamanmi quiquinpaj tucuita ruraj cashcata, quiquinpaj maquica tucuita rurai tucuj cashcata ricuchi callarircangui. Quiquin rurashcacuna shinata ruraj, mancharinacunata ruraj shujtaj diosca jahua pachapipish, cai pachapipish mana tiyanchu.

JOSUÉ 13:22

Israelcunaca chaicunata huañuchicushpaca, Beor shuti runapaj churi Balaam shuti adivino runatapishmi huañuchircacuna.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.