NÚMEROS 23:22 - Dios Rimashca Shimicunami

²² Egiptomanta llujshichimuj Taita Diosca, búfalo huagra shina fuerzayujmi.

NÚMEROS 23:22 Iomraidhean Croise

SALMOS 22:21

Leonpaj shimimanta quishpichihuayari. Búfalo huagracunapaj gachucunamanta huaquichihuayari.

SALMOS 68:35

Taita Dios quiquinpaj huasimantaca mancharina Diosmi ricuringui. Israelcunapaj Taita Diosca, pai agllashcamanca fuerzata cujmi. C'ari c'ari fuerzasapa canata cujmi. Taita Diosca alli nishca cachun.

SALMOS 92:10

Quiquinmi ñucamanca fuerzata mirachingui. Sacha huagra shina fuerzayujtami rurangui. Cunanlla rurashca aceitehuan churashpa ch'icanchishcami casha.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 14:18

Faraonpi, paipaj carrocunapi, paipaj caballopi tiyarishca soldadocunapi ñucaca tucuita rurai tucuj cashcata ricuchijpimi egipciocunaca ñucaca Mandaj Diostaj cashcata yachangacuna– nircami.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 9:16

Ñucaca imatapish rurai tucuj cashcata canpi ricuchishpa, tucui cai pachapi ñuca shuti huillashca cachunmi cantaca churarcani.

ISAÍAS 34:7

Paicunahuanca búfalo huagracunapish, c'ari huagracunapish, bizicunapishmi huañunga. Paicunapaj llajtaca chai yahuarcunahuanmi junda canga. Ñutu allpacunapish chai huiracunahuan jundami canga.

NÚMEROS 22:5

Paimi Beorpaj churi Balaamta cayamuchun cacharca. Balaamca, paipaj llajtapuracuna causan jatun yacu c'uchupi caj Petor pueblopimi causarca. Chai pueblomanmi Balacca, Balaamta cayamuchun cashna nishpa cacharca: “Egiptomanta llujshimuj gentecuna shamushpami cai llajtacunapi jundashpa, ñuca llajta ch'imbapurapi causacun.

NÚMEROS 24:8

Egiptomanta llujshichimuj Taita Diosca, búfalo huagra shina fuerzayujmi. Israelcunaca paicunata p'iñaj llajtacunataca millpungami. Paicunapaj tullucunatapish ñutungami. Israelcunaca paicunapaj flechacunahuan pasajtami satingacuna.

DEUTERONOMIO 33:17

Paipaj fuerzaca punta huacharishca huagrapaj shinami. Paipaj gachucunaca búfalo huagrapaj gachucuna shinami. Chai gachucunahuanmi tucui gentecunataca tucui cai pachapi urata janajta sagmashpa shitanga. Efrainpaj huahua huahuacunaca huaranga huarangacunami. Manasespaj huaranga huaranga runacunapish c'ari c'aricunami” nircami.

JOSUÉ 2:10

Cancuna Egiptomanta llujshishpa, Puca Cucha yacuta ch'imbachunpish, Mandaj Diosca chai yacuta chaquichishcatami yacharcanchij. Jordán jatun yacumanta ch'imbaman caj amorreocunata mandaj Sehón shuti, Og shuti jatun mandajcunatapish mishashpa tucuchishcatapish yachanchijmi.