NÚMEROS 23:19 - Dios Rimashca Shimicunami

¹⁹ Taita Diosca mana runachu. Llullangapajca. Taita Diosca huañujlla runa shina pai rurasha nishcataca mana shujtajyachijchu. Pai rurasha nishcataca ¿manachari pajtachingari? Pai ari nishcataca ¿manachari pajtachingari?

NÚMEROS 23:19 Iomraidhean Croise

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

1 REYES 14:11

Jeroboampaj huahua huahuacunataca pueblopi huañujpica, allcucunami micunga. Pueblomanta carupi huañujpica, ullahuangacunami micunga. Mandaj Diostajmi chashna tucuchun nini ninmi nishpa huillangui.

2 REYES 15:12

Mandaj Diosca Jehutaca: “Cambaj churicunataca chuscu huahua huahuacunacamami israelcunata mandachun saquisha” nishcami carca. Chaica chashnatajmi pajtarca.

2 REYES 7:2

Chaimi jatun mandajpaj alli maqui shina runaca, Diospaj runataca: –Mandaj Dios jahua pacha ventanacunata pascajpipish, mana can nishca shinatajca tucuipajchu yuyachin– nijpi Eliseoca: –Ñuca nishca shina tucujta cambaj quiquin ñahuihuan ricushpapish, chaitaca mana micunguichu– nirca.

1 CRÓNICAS 17:17

Taita Dioslla, cai tucuita rurashcaca cambajca mana achca shinami cashca. Chai jahuamari cambajta ruraj ñuca huasi ucupuracuna q'uipa punllacunapi ima shina canatapish rimashcangui. Ñucatapish ima alli runata shinamari alli nihuangui, Mandaj Taita Dioslla.

SALMOS 110:4

Mandaj Diosca paipaj shimihuantajmi: “Melquisedec cura cashca shinallataj, quiquinca huiñaipaj curami cangui” nirca. Chaitaca mana p'aquingachu.

SALMOS 132:11

Mandaj Diosca pajtachingapajtajmi Davidmanca cambajca cashnami rurasha nirca. Pai cashna nishcataca manataj p'aquingachu: “Can mandashpa tiyanapica, cambaj huahua huahuacunatami churasha.

SALMOS 77:9

Taita Diosca pai c'uyaj canatachu ¿cungarirca imashi? ¿Paipaj c'uyaj cashcataca p'iñarishpachu taparca imashi?” yuyarcanimi. Selah

SALMOS 89:34

Paipaj rurashatajmi nishcataca manataj saquishachu. Ñuca shimihuan rurashatajmi nishcataca manataj shujtajyachishachu.

SALMOS 89:35

Ñucaca ima jucha illaj cashpami, shuj cutin pajtachishatajmi nircani. Chaimanta Davidmanca manataj llullashachu.

ISAÍAS 21:17

Cedarpi mana huañushpa saquirij alli c'ari c'ari flechata shitajcunaca ashallami canga”. Mandaj Dios israelcunapaj Taita Diosmi chashna nirca.

ISAÍAS 31:2

Ashtahuanpish Mandaj Diospish yachajmari. Paipi shunguta mana churajcunataca llaquichingami. Pai imata nishcataca pajtachingami. Millaita rurajcunapaj huahua huahuacunata llaquichingapajca jataringatajmi. Millaita rurajcunapura tucushpa paicunata ama llaquichichun mitsajcunataca llaquichingatajmi.

ISAÍAS 40:8

Q'uihuaca chaquirinllami. Sisaca urmanllami. Ashtahuanpish ñucanchij Taita Diospaj shimi nishcaca pajtacungallami” nircami.

ISAÍAS 46:11

Inti llujshin llajtamantami shuj angata cayarcani. Paica ñuca imalla nishcata ruraj runami. Ñucami pushamusha nircani, pushamushatajmi. Ñuca imalla yuyarishcataca chaitatajmi rurasha.

ISAÍAS 55:11

Ñuca shimimanta llujshij shimicunapish chai shinallataj ñucapajmanca, mana chushajlla tigrangachu. Ñuca munashcata rurashpatajmi tigranga. Ñuca imallaman cachashcataca rurashpa catingatajmi.

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

DANIEL 4:28

Daniel tucui nishcacunaca Nabucodonosorpaj jahuamanmi shamurca.

OSEAS 11:9

Nina sindirij shina p'iñarishpa ñuca llaquichinahuanca mana llaquichishachu. Efrainta llaquichinamanca mana tigramushachu. Ñucaca Taita Diosmi cani, mana runachu cani. Cancunapaj chaupipi caj jucha illajmi cani. Cancunata chingachingapajca mana yaicushachu.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

MALAQUÍAS 3:6

Jacobpaj huahuacuna, Mandaj Dios ñucaca manataj shujtajyanichu. Chaimantami cancunaca mana chingachishca canguichij.

NÚMEROS 14:35

Mandaj Dios ñucami chashna rimani. Cai tucuicuna tandanacushpa ñucata c'ariyaj millaicunataca chashnami rurasha. Cai shitashca pambapimi tucuicuna huañushpa chingaringacuna– nircami.

NÚMEROS 23:18

Chaimi Balaamca, Mandaj Dios imalla nishcataca cashna nishpa sumajta huillarca: “Balac jatariyari, uyayari. Ziporpaj churi ñuca huillashcata alli uyayari.

Lucas 21:33

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Romanos 11:29

Diosca pai cushcacunataca manataj quichunchu, pai cayashcatapish manataj anchuchinchu.

Romanos 9:6

¿Israelcunaman Dios cusha nishcachu mana pajtashca? Manataj chashnachu, ashtahuanpish israelcunapaj huahua huahuacunamari mana tucuicuna israelcunataj cashca.

2 Timoteo 2:13

Ñucanchij mana pajtachij cajpipish, paica pajtachicungallami, pai pajtachij cashcataca maitataj yangapi churangari.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.

Hebreos 7:21

Caishujcunataca Diosca ñuca shimihuantajmi cura cachun nishpa churani mana nishcachu. Ashtahuanpish Diosca Jesustaca: “Ñuca shimihuantajmi curami cangui nini nishcami. Dios Quillcachishcapica: Canca Melquisedec cashca shinallataj huiñaipaj curami cangui” nishcami tiyacun. Jatun Diosca paipaj shimihuantaj chashna nishcataca llaquirishpa manataj shujtajyachingachu.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

Santiago 4:5

“Ñucanchijpi causachun pai churashca Espirituca, paipajlla causachunmi ñucanchijtaca munan” nishpa Quillcachishcapi nishcataca ¿manachu yachanguichij?.

JOSUÉ 21:45

Mandaj Diosca israelcunamanca, imalla allicunata cusha nishcacunataca, shujllatapish mana saquishpami tucuita pajtachirca.

1 SAMUEL 15:29

Israelcunapaj tucuita rurai tucuj Diosca, chaitataj pajtachijmi. Pai imata nishcataca pajtachingatajmi. Paica mana runacuna shina yuyaita cambiajchu– nircami.

1 SAMUEL 3:12

Chai punllapimi Elitapish paipaj huasi ucupuratapish llaquichisha nishcataca pajtachisha. Paipaj huasi ucupurata tucui imalla rurasha nishcataca callarimanta tucuringacamami tucuita tucuchisha.