NÚMEROS 23:13 - Dios Rimashca Shimicunami

¹³ Balacca: –Cunanca israelcuna causacun carpa huasicunata maimantami mana tucuita ricunalla, chaiman jacu. Chaimanta paicunataca imapish tucushca cachun ningui– nircami.

NÚMEROS 23:13 Iomraidhean Croise

1 REYES 20:23

Siria llajtata jatun mandajpajta rurajcunaca: –Israelcunapaj dioscunaca urcucunapimari caj cashca. Chaimari ñucanchijtaca mishancuna. Paicunahuanca pambacunapi macanacushpaca ricunguichij ñucanchijmi mishashun– nircacunami.

1 REYES 20:28

Chaipimi israelcunata jatun mandajpajman Diospaj runa shamushpaca: –Mandaj Diosca cashnami nin: Siriocunaca ñucataca Mandaj Diosca, urcucunapi causaj Diosmi, mana pambacunapi causaj Dioschu nincunami. Chaimantami cai yallitaj achcacunataca cambaj maquipi churagrini. Chashna rurajpimi ñucataca Mandaj Diostaj cashcata yachangui ninmi– nircami.

SALMOS 109:17

Imapish tucushca canman nij canatami c'uyaj carca. Chaica paipaj jahuallapitajmi urmarca. Alli cashca cachun nij canataca mana munarcachu. Chaimantami alli cashca cachun nij canaca paimantaca tucui anchurirca.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

NÚMEROS 22:41

Cayandij punllaca Balacca Balaamta pushashpami, Bamot-baal shuti urcuman huichiyarca. Chai urcumantami israelcuna carpa huasicunata shayachishpa tiyacun shuj mirgata ricunalla carca.

NÚMEROS 22:6

Chai gentecunaca ñucata yalli c'ari c'aricunamari. Chaimanta paicunata ima llaquipish tucuchun ningapaj can shamuchunmi rogani. Can chashna rurajpica, chai gentecunata huañuchishpa cai llajtamanta chingachishapishchari. Maijanta can alli cashca cachun nijpipish, maijanta can imapish tucushca cachun nijpipish chashna tucuj cashcataca yachanimi. Chaimantami can shamuchun rogapani” nichunmi cacharca.

NÚMEROS 23:12

Chaimi Balaamca Balactaca: –Mandaj Dios ñuca shimipi churashcallatami rimana cani– nirca.

NÚMEROS 23:14

Shina nishpaca, Pisga nishca urcu puntapi caj Zofim pambamanmi pusharca. Chaipipish canchis altarcunata shayachishpami, cada altarpi shuj bizita, shuj carnerota cushpa rupachirca.

JOSUÉ 24:9

Chai q'uipaca, Zipor runapaj churi jatun mandaj Balacmi, pai mandacushca Moabpi causajcunata pushashpa cancunahuan macanacungapaj jatarircacuna. Chai jatun mandaj Balacmi, Beor runapaj churi Balaamtaca, cancunata llaqui tucushca canman nichun cayanaman cacharca.