NÚMEROS 23:12 - Dios Rimashca Shimicunami

¹² Chaimi Balaamca Balactaca: –Mandaj Dios ñuca shimipi churashcallatami rimana cani– nirca.

NÚMEROS 23:12 Iomraidhean Croise

ÉXODO 4:15

Paihuan rimangui. Ñuca imalla nishcacunatapish paiman yachachingui. Can rimanapipish, pai rimanapipish ñucami cancunahuan casha. Imalla rurana cashcatapish ñucami yachachisha.

PROVERBIOS 26:25

Sumajta rimajpica ama cringuillachu. Paipaj shungupica, canchis jatun millai yuyaicunahuan jundami.

NÚMEROS 22:20

Chai tutami Taita Diosca Balaamman ricurishpaca: –Cai runacuna canta pushashataj nijpica, jatarishpa paicunahuan rilla. Paicunahuan rishpapish ñuca ima nishcallatami rurana cangui– nirca.

NÚMEROS 22:38

Chaimi Balaamca Balactaca: –Riqui, ñucaca ñami cambaj ñaupajman shamuni. Shina cashpapish ñuca quiquin yuyaillamantaca imata mana rimashachu. Ashtahuanpish Taita Dios imata rimachishcallatami rimasha– nirca.

NÚMEROS 23:13

Balacca: –Cunanca israelcuna causacun carpa huasicunata maimantami mana tucuita ricunalla, chaiman jacu. Chaimanta paicunataca imapish tucushca cachun ningui– nircami.

NÚMEROS 23:20

Israelcunata alli cashca cachun ninatamari Taita Diosmantaca chasquircani. Israelcunata alli cashca cachun ninataca paimari curca. Chaimanta ñucaca maitataj imapish tucushca cachun nishari.

NÚMEROS 23:26

Chaimi, Balaamca Balactaca: –Manachu ñucaca Mandaj Dios ñucata imata nichun nishcallatami nisha nircani– nirca.

NÚMEROS 23:3

Balaamca, Balactaca cashnami nirca: –Canca can cushpa tucui rupachicushca c'uchullapitaj shuyacui. Ñucaca Mandaj Dios ñucahuan tupangapaj shamungapishchari. Paihuan tupanamanmi rini. Pai ñucaman imata huillashcata canman yachaj chayachishami– nishpaca, shitashca lluchulla urcumanmi rirca.

NÚMEROS 24:13

Jatun mandaj Balac, paipaj huasi ucu junda cullquita, curita ñucaman cujpipish Mandaj Dios mandashcata mana cazushpa ñuca munaimanta allitapish mana allitapish mana rurai tucunichu. Ashtahuanpish Mandaj Dios imata rimachishcallatami ñucaca nisha nircanitaj shiná.

Romanos 16:18

Chashnacunaca, ñucanchijta Mandaj Jesucristopajtaca mana rurancunachu, ashtahuanpish quiquin huijsapajllami yuyarishpa causancuna. Paicunaca, sumaj uyanalla shimicunata rimaj tucushpami, manaraj alli yachajcunapaj shunguta umancuna.

Tito 1:16

Diostaca rijsinchijmi nincunami. Ashtahuanpish rurashcacunahuanca Diosta mana rijsij cashcatami ricuchincuna. Millananacuna, mana cazujcuna cashpami, ima allita ruranapajca mana alli cashcata ricuchincuna.