NÚMEROS 23:1 - Dios Rimashca Shimicunami

¹ Chaipimi Balaamca, Balactaca: –Canchis altarcunata caipi shayachi. Canchis bizicunatapish, canchis carnerocunatapish huañuchishpa allichichi– nirca.

NÚMEROS 23:1 Iomraidhean Croise

2 REYES 18:22

Ñucanchijta Mandaj Diospimi shunguta churanchij ninguichijmari. Chashna nishpaca ¿ima nishpataj lomacunapi paipaj tiyaj altarcunata anchuchishpa Ezequiasca judacunatapish, Jerusalencunatapish cai Jerusalenpi tiyaj altar ñaupajllapimi adorana ninyari?

1 CRÓNICAS 15:26

Mandaj Dioshuan ari ninacushca quillcata huaquichina arcata apacujpi paicunata Dios ayudashcamantaca canchis jatun huagracunata, canchis carnerocunatami Diosman cushpa huañuchircacuna.

2 CRÓNICAS 29:21

Chaiman rishpaca jatun mandajpaj juchacunatapish, paipaj tucui familiapaj juchacunatapish anchuchichun, shinallataj Diospaj huasimanta juchata anchuchichunpish, tucui Judá llajtapi causajcunapaj juchata anchuchichunpishmi canchis huagracunata, canchis carnerocunata, canchis malta ovejacunata, canchis c'ari chivocunata Diosman cungapaj aparcacuna. Jatun mandajca Aaronpaj huahua huahua curacunatami: “Mandaj Diosman cai animalcunata, cushpa paipaj altarpi rupachichij” nirca.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

ÉXODO 20:24

Cancunaca ñucapaj allpa altarta rurashpa ñucaman cushpa tucui rupachinatapish, ñucahuan alli cangapaj cunatapish cancunapaj ovejacunata, cancunapaj vacacunata chai altar jahuapi cunguichij. Maipimi ñuca shutita yuyaringuichij nishpa mandani chaipitaj ñuca shutita yuyaricujpica ñucaca cancunapajman shamushpami alli cashca cachun nisha.

PROVERBIOS 15:8

Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

EZEQUIEL 45:23

Shinallataj canchis punlla jatun fiestapica, punllanta ima mana tucushca canchis malta c'ari huagracunatapish, canchis carnerocunatapish, Mandaj Dios ñucaman cushpa tucui rupachichun. Shinallataj cancunapaj juchamantapish, canchis punllacama punllanta shuj c'ari chivota huañuchichun.

NÚMEROS 22:41

Cayandij punllaca Balacca Balaamta pushashpami, Bamot-baal shuti urcuman huichiyarca. Chai urcumantami israelcuna carpa huasicunata shayachishpa tiyacun shuj mirgata ricunalla carca.

NÚMEROS 23:2

Balacca Balaam nishca shinallatajmi rurarca. Chaipimi Balacpish, Balaampish shuj bizihuan, shuj carnerohuan cada altarpi churashpa rupachircacuna.

NÚMEROS 23:29

Chaipimi Balaamca, Balactaca: –Caipipish canchis altarcunata shayachi. Canchis bizicunatapish, canchis carnerocunatapish huañuchishpa allichi– nirca.

NÚMEROS 23:30

Shina nijpimi Balacca, Balaam nishca shina rurashpa cada altarpi shuj bizita, shuj carnerota cushpa rupachirca.

NÚMEROS 29:32

Canchis punllapica canchis bizita, ishqui carnerota, shuj huatayuj chunga chuscu c'ari ovejata cunguichij. Chai animalcunaca ima mana tucushca cachun.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Judas 1:11

¡Aij, chashna rurajcunalla! Caín shinallatajmari mana allita rurashcacuna. Cullquita munashcamantaca Balaam shinallatajmari pandarishcacuna. Mana cazushcamantaca Coré shinallatajmari chingarishcacuna.

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.