NÚMEROS 22:9 - Dios Rimashca Shimicunami

⁹ Chai tutami Taita Diosca Balaamman ricurishpaca: –¿Canhuan caipi cajcunaca picunataj?– nishpa tapurca.

NÚMEROS 22:9 Iomraidhean Croise

GÉNESIS 16:8

–Saraipajta ruraj Agar, ¿maimantataj shamucungui? ¿maimantaj ricungui?– nijpi Agarca: –Ñuca ama Saraita miticushpami ricuni– nirca.

GÉNESIS 20:3

Ashtahuanpish Taita Diosca chai tutallataj muscuipi ricurishpami Abimelectaca: “Cazarashca cusayuj huarmita cambaj huarmi cachun japishcamanta, cunanca huañugringuimi” nirca.

GÉNESIS 31:24

Ashtahuanpish chai tutallatajmi Taita Diosca arameo Labanman muscuipi ricurishpaca: “Jacobtaca ama imata ninguichu” nirca.

GÉNESIS 4:9

Chaimi Mandaj Diosca Caintaca: –¿Cambaj huauqui Abelca maipitaj?– nishpa tapujpi Cainca: –Ñucaca imatataj yachashari. Ñucaca huauquita cuidajchari caniyari– nirca.

GÉNESIS 41:25

Chaimi Joseca faraontaca: –Can faraón ishqui cutin muscushcaca chaillatatajmi nisha nin. Taita Diosmi can faraonmanca, pai imata rurasha nicushcata ricuchishca.

ÉXODO 4:2

Mandaj Diosca: –¿Cambaj maquipi charicunca imatagari?– nijpi Moisesca: –Shuj caspillatami charicuni– nirca.

DANIEL 2:45

Urcumanta manapish pi p'aquijpi shuj rumi p'aquirishpa shamushpa fierrotapish, broncetapish, lodomanta rurashpa cusashcatapish, cullquitapish, curitapish ñutujtami ricurcangui. Q'uipa punllacunapi chai shinallataj tucunatami Jatun Diosca can jatun mandajmanca ricuchishca. Can muscushcaca chashnatajmi. Chai imata nisha nishcapish chashnatajmi– nircami.

NÚMEROS 22:10

Balaamca, Taita Diosmanca cashnami nirca: –Zipor runapaj churi Moab llajtata jatun mandaj Balacmi, ñucata cashna ninaman cachashca:

NÚMEROS 22:20

Chai tutami Taita Diosca Balaamman ricurishpaca: –Cai runacuna canta pushashataj nijpica, jatarishpa paicunahuan rilla. Paicunahuan rishpapish ñuca ima nishcallatami rurana cangui– nirca.

NÚMEROS 22:8

Chaimi Balaamca: –Cunan tutaca caipi samarichij. Mandaj Dios ñucaman ima nishcata cancunaman huillashami– nijpimi, moabitacunata pushajcunaca Balaamhuan saquirircacuna.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Mateo 7:22

Chai punllapica achcacunami ñucataca: “Mandaj Jesús, Mandaj Jesús, cambaj shutipimi huillarcanchij, cambaj shutipimi supaicunata llujshichircanchij, cambaj shutipimi achca milagrocunatapish rurarcanchij” ningacunami.

Juan 11:51

Shina nishpaca mana paipaj quiquin yuyaimantachu nirca. Ashtahuanpish chai huatapi curacunata mandaj cajpimi, llajtapi tucui causajcunamanta Jesús huañunataj cashcata Taita Dios huillachijpi chashna huillarca.