NÚMEROS 22:8 - Dios Rimashca Shimicunami

⁸ Chaimi Balaamca: –Cunan tutaca caipi samarichij. Mandaj Dios ñucaman ima nishcata cancunaman huillashami– nijpimi, moabitacunata pushajcunaca Balaamhuan saquirircacuna.

NÚMEROS 22:8 Iomraidhean Croise

1 REYES 13:8

Ashtahuanpish Taita Diospaj runaca, jatun mandajtaca: –Cambaj huasipi tiyajcunata chaupita ñucaman cuna cajpipish, canhuanca manataj rishachu. Cai llajtapica manataj micushachu, yacutapish manataj ubyashachu.

1 REYES 22:14

Shina nijpimi Micaiasca: –Mandaj Diosca causajmi. Ñucaca Mandaj Dios imata huillachun nishcallatami huillasha– nirca.

JEREMÍAS 12:2

Can tarpujpimari, ucujta sapiyashpa huiñashpaca granurcacuna. Cambaj shutitaca shimi jahuamari charincuna. Ashtahuanpish paicunapaj shunguca canmanta carupimari.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.

NÚMEROS 22:18

Chaimi Balaamca, Balacpajta rurajcunataca cashna nirca: –Jatun mandaj Balac, paipaj huasi ucu junda cullquita, curita ñucaman cujpipish mana imata ruragri tucunichu. Ñucata Mandaj Dios ama rurangui nishcataca ashalla cachunpish, achca cachunpish mana ruragri tucunichu.

NÚMEROS 22:38

Chaimi Balaamca Balactaca: –Riqui, ñucaca ñami cambaj ñaupajman shamuni. Shina cashpapish ñuca quiquin yuyaillamantaca imata mana rimashachu. Ashtahuanpish Taita Dios imata rimachishcallatami rimasha– nirca.

NÚMEROS 22:7

Chaimi moabitacunata cunaj yuyajcunapish, madianitacunata cunaj yuyajcunapish adivinashcamanta cungapaj convidanacunata apashpa rircacuna. Balaampajman chayashpaca, Balac imallata nishcatami huillarca.

NÚMEROS 22:9

Chai tutami Taita Diosca Balaamman ricurishpaca: –¿Canhuan caipi cajcunaca picunataj?– nishpa tapurca.

NÚMEROS 23:12

Chaimi Balaamca Balactaca: –Mandaj Dios ñuca shimipi churashcallatami rimana cani– nirca.

NÚMEROS 23:3

Balaamca, Balactaca cashnami nirca: –Canca can cushpa tucui rupachicushca c'uchullapitaj shuyacui. Ñucaca Mandaj Dios ñucahuan tupangapaj shamungapishchari. Paihuan tupanamanmi rini. Pai ñucaman imata huillashcata canman yachaj chayachishami– nishpaca, shitashca lluchulla urcumanmi rirca.

NÚMEROS 24:13

Jatun mandaj Balac, paipaj huasi ucu junda cullquita, curita ñucaman cujpipish Mandaj Dios mandashcata mana cazushpa ñuca munaimanta allitapish mana allitapish mana rurai tucunichu. Ashtahuanpish Mandaj Dios imata rimachishcallatami ñucaca nisha nircanitaj shiná.