NÚMEROS 22:6 - Dios Rimashca Shimicunami

⁶ Chai gentecunaca ñucata yalli c'ari c'aricunamari. Chaimanta paicunata ima llaquipish tucuchun ningapaj can shamuchunmi rogani. Can chashna rurajpica, chai gentecunata huañuchishpa cai llajtamanta chingachishapishchari. Maijanta can alli cashca cachun nijpipish, maijanta can imapish tucushca cachun nijpipish chashna tucuj cashcataca yachanimi. Chaimantami can shamuchun rogapani” nichunmi cacharca.

NÚMEROS 22:6 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

GÉNESIS 27:29

Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

1 REYES 22:13

Micaiasta pushagrij huillaj runaca paitaca: –Caishuj profetacunaca tucuicunami jatun mandajtaca, mishanguimi nishpa cushichicuncuna. Canpish jatun mandajtaca, paicuna nishca shinallataj mishanguitajmi nishpa ashtahuan cushichingui– nircami.

1 REYES 22:6

Chaimi israelcunata jatun mandajca, 400 shina profetacunata tandachishpa: –¿Galaadpi caj Ramotpi causajcunahuanca macanacugrishachu, mana cashpaca saquishallachu?– nijpi paicunaca: –Macanacugrilla, Mandaj Diosmi cambaj maquipi churanga– nircacuna.

1 REYES 22:8

Josafat chashna nijpimi, israelcunata jatun mandajca: –Imlapaj churi Micaías profeta tiyanrajmi, paitapish Mandaj Dios imata nishcata tapuchinchijmanchari. Paica shuj cutinllapish ima allita manamari huillanchu, ashtahuanpish llaquillatamari huillan. Chaimantami paitaca p'iñani– nijpi Josafatca: –Jatun mandaj ama chashna rimaichu– nirca.

NEHEMÍAS 13:2

Paicunaca israelcunataca micunahuan yacuhuan tupangapajca mana llujshircacunachu. Ashtahuanpish Balaamman cullquita cushpami: Israelcunaca llaqui tucushca alli canman ni nirca. Chashna llaqui tucuchun nijpipish, ñucanchij Taita Diosmi Balaamtaca allicunata cuchun nichirca. Chaimanta paicunahuanca amataj tandanacunguichij nishcami carca.

SALMOS 109:28

Paicuna ñucata imapish tucushca cachun nijpipish, ashtahuanpish quiquinca ñucataca alli cashca cachun niyari. Paicuna ñucata llaquichinaman jatarishpapish pingai tucushpallami saquiringacuna. Ashtahuanpish quiquinpajta rurajtaca cushichiyari.

PROVERBIOS 26:2

Ima mana allita, manapish rurajtaca, ima llaquipish tucushca alli canman nishcapish mana pajtanchu. Gorrioncuna tazinta chingachishpa puricuj shina, golondrinacuna huairata puricuj shinallami.

EZEQUIEL 13:6

Paicunaca yanga muscuicunallatami ricurcacuna, adivinashpallami llullashpa huillarcacuna. Paicunaca: Mandaj Diosmi chashna nin nishpami huillarcacuna. Mandaj Diosca manapish paicunataca cacharcachu. Shina cajpipish, paicunaca tucui imalla huillashcacunata Diosllataj pajtachichunmi shuyancuna.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

NÚMEROS 22:12

Chaimi Taita Diosca Balaamtaca: –Chai runacunahuanca ama richu. Chai gentecunataca imapish tucushca canman ama nigringuichu. Paicunaca ñuca alli nishcacunami– nirca.

NÚMEROS 22:17

Canmanca tucuimanta yalli allicunatami cusha. Can imata rurachun nishcatapish rurashami. Chaimanta cunanca chai gentecunata imapish tucushca canman ningapaj shamupailla ninmi– nircacunami.

NÚMEROS 23:13

Balacca: –Cunanca israelcuna causacun carpa huasicunata maimantami mana tucuita ricunalla, chaiman jacu. Chaimanta paicunataca imapish tucushca cachun ningui– nircami.

NÚMEROS 23:27

Chaimi, Balacca Balaamtaca: –Cunanca shujtajmanmi pushagrini. Chaiman ñucahuan richunmi rogani. Chaimanta israelcunata imapish tucushca canman nichun Taita Dios saquingapishchari– nirca.

NÚMEROS 24:9

Pacajlla chaparashpa siricuj león shinami cangui. Pacajlla chaparashpa siricuj mama león shinami cangui. ¿Pitaj cantaca rijchachi tucungari? ¡Cancunata alli cashca cachun nijcunaca, alli cashca cachun. Cancunata imapish tucushca cachun nijcunaca, jatun llaqui tucushca cachun!” nircami.

Hechos 16:16

Taita Diosta mañanaman shuj punlla ñucanchij ricujpica, adivinachij supai japishca huarmi huambrami ñucanchijhuan tupanaman llujshirca. Chai huambraca chashna cashpa adivinajpimi paipaj amocunaca achca cullquita japijcuna carca.

DEUTERONOMIO 23:4

Egiptomanta llujshishpa cancuna paicunapaj ñanta pasacujpica yacutapish, micunatapish mana curcacunachu. Ashtahuanpish Mesopotamia llajtapi caj Petor pueblopi causaj Beor runapaj churi Balaamman cullquita cushpami, cancunataca ima llaqui tucushpa alli canman nichun cacharcacuna.

JOSUÉ 24:9

Chai q'uipaca, Zipor runapaj churi jatun mandaj Balacmi, pai mandacushca Moabpi causajcunata pushashpa cancunahuan macanacungapaj jatarircacuna. Chai jatun mandaj Balacmi, Beor runapaj churi Balaamtaca, cancunata llaqui tucushca canman nichun cayanaman cacharca.

1 SAMUEL 17:43

Chaimi filisteoca Davidtaca: –¿Ñucaca allcuchari caniyari. Can ñucapajman caspicunahuan shamunapajca?– nishpami Davidtaca ñuca dioscuna llaquichishca cachun nirca.