NÚMEROS 22:41 - Dios Rimashca Shimicunami

⁴¹ Cayandij punllaca Balacca Balaamta pushashpami, Bamot-baal shuti urcuman huichiyarca. Chai urcumantami israelcuna carpa huasicunata shayachishpa tiyacun shuj mirgata ricunalla carca.

NÚMEROS 22:41 Iomraidhean Croise

2 CRÓNICAS 11:15

Jeroboamca paillatajmi lomacunapi tiyaj altarcunapajpish, supaicunapajpish, pai rurachishca bizi dioscunapajpish shujtaj curacunata churarca.

JEREMÍAS 19:5

Baalman paicunapaj huahuacunata cushpa tucui rupachingapajpishmi, altarcunata rurancuna. Chaicunata rurachunca mana mandashcanichu, mana imata nishcanichu, mana yuyarishcanillapishchu.

JEREMÍAS 48:35

Mandaj Diosca cashnami nin: “Moab llajtapi causajcunaca lomacunapimi paicunapaj dioscunaman cuna cashcata cushpa rupachircacuna. Inciensotapish cushpami rupachircacuna. Chaimantami paicunataca tucuchisha” ninmi.

NÚMEROS 21:28

Hesbón pueblomantaca ninami llujshirca. Jatun mandaj Sehonpaj pueblomantaca lunyacuj ninami llujshirca. Chai ninaca Moabpi caj Ar pueblotaca chingachircami. Arnón yacu jahuanijcunapi causaj mandajcunatapish chingachircami.

NÚMEROS 22:40

Chaipimi Balacca huagracunata, ovejacunata huañuchichishpa Balaammanpish paihuan caj pushajcunamanpish caranaman cacharca.

NÚMEROS 23:1

Chaipimi Balaamca, Balactaca: –Canchis altarcunata caipi shayachi. Canchis bizicunatapish, canchis carnerocunatapish huañuchishpa allichichi– nirca.

NÚMEROS 23:13

Balacca: –Cunanca israelcuna causacun carpa huasicunata maimantami mana tucuita ricunalla, chaiman jacu. Chaimanta paicunataca imapish tucushca cachun ningui– nircami.

DEUTERONOMIO 12:2

Cancuna japin llajtacunapi causajcuna paicunapaj dioscunata adoranacunatami tucuita nunca ama tiyachun chingachina canguichij. Urcucunapi, lomacunapi, yura ucucunapi adoranacunatami chashna chingachina canguichij.