NÚMEROS 22:36 - Dios Rimashca Shimicunami

³⁶ Balacca Balaam shamucun nijta uyashpami, Moab pueblopi tupanaman rirca. Chai puebloca Moab llajta linde, Arnón jatun yacu c'uchullapimi carca.

NÚMEROS 22:36 Iomraidhean Croise

GÉNESIS 14:17

Quedorlaomertapish, paihuan caj jatun mandajcunatapish Abram mishashpa tigracujpica, Sodomata jatun mandajmi Save pugru pambapi tupanaman llujshirca. Chai pamballatatajmi, Jatun Mandajpaj Pugru Pamba nincuna.

GÉNESIS 18:2

Abrahamca paipaj chaininijllapi quimsa runacuna cajta ricushpami, paipaj carpa huasi pungumanta callpashpa tupanaman rishpa paicunapaj ñaupajpi pambaman tupajta cumurishpaca,

GÉNESIS 46:29

Joseca paipaj carropi rishpami, paipaj yaya Israeltaca Gosenpi tupagrirca. Yayata ricushpaca, cungapi ugllarishpami unicama huacarca.

ÉXODO 18:7

Moisés paipaj suegrota tupanaman llujshishpaca, paipaj ñaupajpi cumurishpa muchashpami, caishuj chaishuj allillachu cangui ninacushpaca, carpa huasiman yaicurcacuna.

ISAÍAS 16:2

Pájaro mancharishpaca paipaj tazinta shitashpami miticugrin. Moabcunapish chai shinallatajmi, Arnón yacuta maitami ch'imbanallacunata miticushpa ringacuna.

JEREMÍAS 48:20

Moab llajtamari, jatunta llaquichijpi yallitaj pingai tucushca. Jatunta caparirishpa huacaichigari. Moab llajta llaqui tucushcataca, Arnón yacu uripi causajcunamanpish huillaichigari ninmi.

NÚMEROS 22:35

Ashtahuanpish Mandaj Diospaj angelca Balaamtaca: –Cai runacunahuan rilla. Paicunahuan rishpapish, ñuca imatami rimai nini chaillata rimangui– nijpica, Balaamca Balac cachashca pushajcunahuanmi rirca.

NÚMEROS 22:37

Chaipimi Balacca, Balaamtaca: –Ñuca canta cayanaman cachashcataca ¿manachu crircangui? ¿Ima nishpataj ñucapajmanca mana shamusha nircangui? ¿Manachu ñucaca can imalla nishcata cui tucuipaj cani?– nirca.

Hechos 28:15

Romapi causaj crijcunaca ñucanchij shamucushcataca ñami yachashca carca. Chaimi ñucanchijtaca huaquincunaca Apio pueblocama tupanaman shamushcacuna carca. Maijancunaca Tres Tabernas pueblollapimi tupangapaj shuyacushcacuna carca. Paicunata Pablo ricushpaca, Taita Diosta pagui nishpami achcata cushicurca.

DEUTERONOMIO 2:24

Chaipimi Mandaj Diosca: Jatari, Arnón yacu huaicuta ch'imbashpa ri. Ñucami Hesbonta jatun mandaj Sehón amorreotaca paipaj llajtandij cambaj maquipi ña churarcani. Paipaj llajtaman yaicushpa paihuan macanacushpa quichui callarichijlla.

DEUTERONOMIO 3:8

Chai huatacunaca Jordán yacu ura ladopi caj ishqui jatun mandaj amorreo mandacun llajtacunatapish Arnón yacu huaicumantaca, Hermón urcucamami japircanchij.

JUECES 11:18

Chashna mana pasachisha nijpimi, shitashca pambata rishpa Edom llajta, Moab llajta huashanijta muyushpa rirca. Chaimantaca inti llujshin ladoman caj Moab llajta ch'imbanijta shamushpami Arnón jatun yacu ch'imbanijllapi carpa huasicunata shayachishpa chaipi saquirircacuna. Arnón yacuca moabitacunapaj llajtapi cashcamantami chaimanca mana yaicurca.

1 SAMUEL 13:10

Diosman cushpa ña tucui rupachicushpami Saulca, Samuel chayagricujta ricushpa, Samuelta allillachu cangui ningapaj tupanaman llujshirca.