NÚMEROS 22:22 - Dios Rimashca Shimicunami

²² Balaam rijpimi Mandaj Diosca nina sindirij shina p'iñarishpa, paipaj angelta cacharca. Chai angelca Balaam ricun ñanpimi Balaamta jarcashpa shayarirca. Balaamca paipaj burropi tiyarishca paipajta ruraj ishqui runacunatapish pushashcami ricurca.

NÚMEROS 22:22 Iomraidhean Croise

2 REYES 10:20

Shina nishpaca Jehuca: –Baalta yuyarishpa jatun fiestata rurangapaj shuj punllata ch'icanchichij– nijpimi, paicunaca pai nishca shina rurashpa tandachircacuna.

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 4:24

Egiptoman Moisés tigracujpimi, shuj tutaca Mandaj Diosca pai samaricunman shamushpa paita huañuchisha nirca.

LAMENTACIONES 2:4

P'iñaj runa shina paipaj alli maquihuan arcota alli japishpami, paita huañuchingapaj shayarirca. Mana ricunachij runa shinallatajmi tucui ima sumaj tiyashcata tucuchirca. Sión pueblotaca jatunta p'iñarishpamari, ninata tallij shina llaquichirca.

OSEAS 1:4

Mandaj Diosca, cashnami nirca: “Cai huahuataca, Jezreelta shutichi. Jehupaj huahua huahuacunataca ñallami llaquichigrini. Jezreelpi causajcunata huañuchishcamantami llaquichigrini. Chashna rurashpami israelcunata mandanataca tucuchisha.

NÚMEROS 22:23

Balaampaj burroca Mandaj Diospaj ángel, espadata maquipi aisashca chaupi ñanpi shayacujta ricushpami, ñanmanta llujshishpa chagra jahuata rirca. Chaimi Balaamca ñanman tigrachingapaj burrotaca azotishpa macarca.

NÚMEROS 22:32

Chaipimi Mandaj Diospaj angelca Balaamtaca: –¿Ima nishpataj cambaj burrotaca azotishpa quimsa cutin macangui? Ñucami cantaca jarcanaman shamurcani. Can millaita ruranaman ricujpimi chashna jarcarcani.

NÚMEROS 22:35

Ashtahuanpish Mandaj Diospaj angelca Balaamtaca: –Cai runacunahuan rilla. Paicunahuan rishpapish, ñuca imatami rimai nini chaillata rimangui– nijpica, Balaamca Balac cachashca pushajcunahuanmi rirca.