NÚMEROS 22:11 - Dios Rimashca Shimicunami

¹¹ Egiptomanta llujshimuj gentecunamari tucui cai llajtacunapi jundashpa causacun. Chaimanta cunanca paicunata imapish tucushca canman ningapaj shamui. Can chashna nijpica paicunahuan macanacushpa, paicunata mishashpa caimanta llujshichishpa cachashapishchari nichunmi cachashca– nirca.

NÚMEROS 22:11 Iomraidhean Croise

GÉNESIS 27:29

Pueblocunapish, llajtacunapish cambajta rurajcuna cachun. Cambaj ñaupajpi cumurichuncuna. Cambaj huauquicunapajpish mandaj cangui. Cambaj huauquicunaca cambaj ñaupajpi cumurichuncuna. Canta imapish tucushca alli canman nijcunaca paicunaraj imapish tucushca cachun. Canta alli cashca cachun nijcunaca, paicunapish alli cashca cachun” nircami.

NÚMEROS 22:10

Balaamca, Taita Diosmanca cashnami nirca: –Zipor runapaj churi Moab llajtata jatun mandaj Balacmi, ñucata cashna ninaman cachashca:

NÚMEROS 22:12

Chaimi Taita Diosca Balaamtaca: –Chai runacunahuanca ama richu. Chai gentecunataca imapish tucushca canman ama nigringuichu. Paicunaca ñuca alli nishcacunami– nirca.

NÚMEROS 23:11

Shina nijpimi Balacca, Balaamtaca: –¿Imatataj ruracunguichu imamí? Ñucata p'iñajcunata imapish tucushca cachun nichunmari cantaca pushamurcani. Ashtahuanpish paicunataca ashtahuan alli cashca cachun ninatachu callaringui imamí– nirca.

NÚMEROS 23:7

Chaipimi Balaamca Mandaj Dios huillachishcata cashna nishpa sumajta huillarca: “Aran llajtamantami Balacca ñucataca pushamurca. Inti llujshin ladoman caj urcucunamantami Moab llajtata jatun mandajca pushamurca. ¡Jacobta imapish tucushca canman ningapaj shamui! Israelcunata llaquichingapaj shamui nishpami pushamurca.

NÚMEROS 24:10

Shina nijpimi, Balacca, Balaamhuan nina sindirij shina p'iñarishpa maquicunapi huajtarishpa cashna nirca: –Cantaca, ñucata p'iñajcunata imapish tucushca canman nichunmi pushamurcani. Ashtahuanpish canca ñucata p'iñajcunataca, ñamari quimsa cutin alli cashca cachun ningui.

JOSUÉ 24:10

Balaam runa israelcunata llaqui tucushca canman nichunca ñuca mana saquijpimi, paica israelcunata llaqui tucushca canman ninapaj randica, alli cashca cachun nishpa cutin cutin nirca. Chashnami cancunataca paicunapaj maquimanta quishpichircani.

1 SAMUEL 17:43

Chaimi filisteoca Davidtaca: –¿Ñucaca allcuchari caniyari. Can ñucapajman caspicunahuan shamunapajca?– nishpami Davidtaca ñuca dioscuna llaquichishca cachun nirca.