NÚMEROS 21:7 - Dios Rimashca Shimicunami

⁷ Chaimi israelcunaca Moisespajman rishpa cashna nircacuna: –Ñucanchijca Mandaj Diostapish, cantapish juchachishpa rimashpaca, juchallishcanchijmari. Cunanca chai culebracunata ñucanchij c'uchumanta anchuchichun Mandaj Diosta mañapai– nijpimi israelcunamanta Moisés mañajpica,

NÚMEROS 21:7 Iomraidhean Croise

GÉNESIS 20:17

Abrahamca Taita Diostami mañarca. Taita Diosca Abimelectaca alliyachircami. Abimelecpaj huarmitapish, paipajta ruraj huarmicunatapish huahuacunayuj tucunatami cutin rurarca.

GÉNESIS 20:7

Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

1 REYES 13:6

Chashna tucujpimi jatun mandajca, Taita Diospaj runataca: –Ñuca maqui alli tucuchun canta Mandaj Taita Diosta ñucamanta rogashpa mañai– nijpi Diospaj runa, Mandaj Diosta mañajpica, jatun mandajpaj maquica ñaupa shinallataj alli saquirircallami.

2 REYES 13:4

Chaimi Joacazca Mandaj Diosta mañarca. Siria llajtata jatun mandaj, israelcunata llaquichicujpi israelcuna llaquihuan cajta ricushpami Mandaj Diosca Joacaz mañashcata uyarca.

JOB 42:10

Paihuan alli apanacuj quimsa runacunamanta mañashca q'uipami, Mandaj Diosca Jobmantaca chai tucui llaquicunata anchuchirca. Shinallataj Jobmanca ñaupa charishcamanta ishqui cutihuan yallimi tucuita curca.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

SALMOS 78:34

Chashna huañuchijpimi Taita Diostaca mashcarcacuna. Chaimi paitaca mana samashpalla mashcarcacuna.

ÉXODO 10:17

Shina cajpipish, ñuca mana allita rurashcataca cunanllahuan perdonahuaichij. Ashtahuanpish cai huañuchij llaquica ñucallamantapish anchurichun cancunata Mandaj Diosta mañahuaichij– nirca.

ÉXODO 32:11

Chaimi Moisesca paita Mandaj Taita Diospaj ñaupajpi: –Mandaj Dioslla, cambaj tucuita rurai tucuj maquihuan, cambaj poderhuan Egiptomanta llujshichimushca israelcunahuanca ama chashna jatunta p'iñarihuaichu– nishpa mañarca.

ÉXODO 32:30

Chai cayandij punllami Moisesca israelcunataca: –Cancunaca yallitaj jatuntamari juchallishcanguichij. Cancunapaj juchacunamanta pai yallitaj p'iñarishcata ima shinapish parachi tucushapishchari cunanmi Mandaj Diospajman huichiyagrini– nirca.

ÉXODO 8:28

Chaimi faraonca: –Cancunata Mandaj Diosman shitashca pambapi animalcunata cushpa rupachinaman richun ñucaca saquinimi. Ashtahuanca ama yalli caruta ringuichijchu. Ñucamantapish mañapanguichij– nirca.

ÉXODO 8:4

Sapocunaca cambaj jahuapipish, cai llajtapi causajcunapaj jahuapipish, tucui cambajta rurajcunapaj jahuapipishmi jundaringacuna ninmi” ningui– nircami.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ISAÍAS 26:16

Mandaj Dioslla, llaquihuan cashpami quiquinta mashcarcacuna. Quiquin llaquichijpimi yallitaj mañarcacuna.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 37:3

Jatun mandaj Sedequiasca: “Ñucanchijta Mandaj Diosta ñucanchijmanta mañapai” nichunmi, Selemiaspaj churi Jucaltapish, Maasiaspaj churi Sofonías curatapish Dios ima nishcata huillaj Jeremiaspajman cacharca.

OSEAS 5:15

“Paicuna juchallishcata, ñucaca juchallishcanimari nishpa ñucata mashcangacamami ñucaca ñuca causacunman tigrasha. ¡Paicuna llaquihuan cashpami, ñucataca mashcangacuna!” nircami.

NÚMEROS 11:2

Israelcunaca Moisestami caparirca. Moisesca Mandaj Diostami mañarca. Chaipimi ninaca huañurca.

Mateo 27:4

cashna nishpa tigrachigrirca: –Ima millaita mana ruraj runata huañuchichun entregashpaca ñucaca juchallishcanimari– nijpi, paicunaca: –¿Ñucanchijpajca imataj cangapish? ¡Chaitaca can ricui!– nijpimi,

Hechos 8:24

Simonca: –Cancuna nishca shina ama tucungapaj ñucamanta Jatun Diosta rogashpa mañaichij– nirca.

Romanos 10:1

Huauquicuna, israelcuna quishpirishca canaman chayachun nishpami, ñuca shungupica chai yuyailla Diosta mañacuni.

DEUTERONOMIO 9:20

Mandaj Diosca Aaronhuanpish yallitaj p'iñarishpami, chingachina tucuncama p'iñarirca. Shina cajpipish, paimantapishmi chai punllacunapica mañarcani.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,

1 SAMUEL 15:30

Saulca: –Ñucaca juchallishcanimari. Shina cajpipish, israelcunata cunaj yuyajcunapaj ñaupajpipish, tucui israelcunapaj ñaupajpipish jatun mandaj cashca shinallatataj ñucataca alli nishpa, canta Mandaj Diosta adorangapaj ñucahuan tigrashunlla– nircami.