NÚMEROS 21:6 - Dios Rimashca Shimicunami

⁶ Shina nijpimi Mandaj Diosca israelcunahuan p'iñarishpa, venenoyuj culebracuna israelcunata canichun cacharca. Chashnami achca israelcuna huañurca.

NÚMEROS 21:6 Iomraidhean Croise

ISAÍAS 14:29

Filisteapi tucui causajcuna cancunata llaquichicuj vara p'aquirishcamantaca, ama cushicuichijchu. Culebrapaj sapimanta retoñoca víbora culebrami llujshinga. Víbora culebramantacarin, alasyuj culebrami llujshinga.

ISAÍAS 30:6

Neguevpi tiyaj animalcunamanta Mandaj Dios huillashcami: Jatun llaqui, manchanana maimantami c'ari león, huarmi león llujshin, víbora culebra, alasyuj culebra llujshin llajtatami cancuna imalla charishcacunataca burrocunaman apachishpa apanguichij. Tucui sumaj charinacunatapish camellocunaman apachishpami apanguichij. Ima allitapish cancunapaj mana ruraipaj cajcunapajmi chashna apanguichij ninmi.

JEREMÍAS 8:17

Mandaj Diosca cashnami nin: “Ñucamari cancunata llaquichichunca, huañuchij culebracunata cachani. Chaicunataca imahuan mana muspachi tucunguichijchu. Chaicunamari cancunataca canishpa tucuchinga” ninmi.

EZEQUIEL 14:15

Shinallataj cai llajtamanca p'iña animalcunata cachashpa llaquichicujpica, chai animalcunapaj chaupitaca pipish mana pasai tucunmanchu. Cai llajtaca shitashcami saquirinman.

1 Corintios 10:9

Paicunamanta maijancuna Jatun Diosta rimashca shinapish ama rimashunchij. Chashnacunaca culebracuna canishcami huañurcacuna.

DEUTERONOMIO 8:15

Yallitaj jatun shitashca pambata, culebracunapish, escorpioncunapish yallitaj tiyan pambata pushamujta, yacupish mana tiyan chaquishca pambapi yacuta llujshichishpa cancunaman cujta,