NÚMEROS 21:34 - Dios Rimashca Shimicunami

³⁴ Mandaj Diosca Moisestaca: “Ama manchaichu, ñucami jatun mandajtaca paipaj tucui gentecunandij, paipaj llajtandij cancunapaj maquipi ña churarcani. Paicunataca Hesbonpi causaj amorreocunata, paicunata jatun mandaj Sehonta shinallatajmi rurangui” nircami.

NÚMEROS 21:34 Iomraidhean Croise

2 SAMUEL 5:19

Chaimi Davidca Mandaj Diostaca: –¿Filisteocunahuanca macanacugrishachu? ¿Paicunataca ñuca maquipi churanguichu?– nishpa tapujpi Mandaj Diosca Davidtaca: –Rilla, filisteocunahuanca macanacugrilla. Paicunataca cambaj maquipi churashatajmi– nirca.

1 REYES 20:13

Chashna allichiricujpimi israelcunata jatun mandaj Acabpajman shuj profeta shamushpaca: –Mandaj Diosca cashnami nin: Canta p'iñajcunaca achca cashcatami ricungui. Chashna cajpipish paicunamanca Mandaj Diosca Diostaj cashcata ricuchingapajmi, cunanca paicunataca cambaj maquipi churagrini ninmi– nishpami huillarca.

1 REYES 20:28

Chaipimi israelcunata jatun mandajpajman Diospaj runa shamushpaca: –Mandaj Diosca cashnami nin: Siriocunaca ñucataca Mandaj Diosca, urcucunapi causaj Diosmi, mana pambacunapi causaj Dioschu nincunami. Chaimantami cai yallitaj achcacunataca cambaj maquipi churagrini. Chashna rurajpimi ñucataca Mandaj Diostaj cashcata yachangui ninmi– nircami.

2 REYES 3:18

Mandaj Diosca pai rurai tucushcataca ashallatami rurashpa ricuchigrin. Moabitacunatapish cancunapaj maquipi churangami.

ISAÍAS 41:13

Mandaj Dios ñuca cambaj Taita Dios cashcamanta cambaj alli maquipi charishpa pushaj cashcamanta: Ama manchaichu, ñucami cantaca ayudasha” ninmi.

NÚMEROS 14:9

Shina cashcamanta Mandaj Diosta c'ariyashpa ama p'iñachichijchu. Chai llajtapi causajcunataca ama manchaichijchu. Paicunataca ñucanchijca tandata micuj shinallami chingachishun. Paicunata ayudajca paicunamanta anchurishcami. Ashtahuanpish Mandaj Diosmari ñucanchijhuanca. Chaimanta ama manchaichijchu– nircacunami.

NÚMEROS 32:4

Mandaj Dios tucui israelcunapaj ñaupajpi huañuchijpi japishca llajtacunaca animalcunata charinapajmari alli. Cambajta ruraj ñucanchijmari achca animalcunayuj canchij.

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

DEUTERONOMIO 20:3

cashna ninga: Uyaichij israelcuna, cancunata p'iñajcunahuan macanacungapajmari ña tandanacunguichij. Paicunapaj ñaupajpica ñataj cancunapaj shungupi manchashpa yuyai illaj tucunguichijman, ama chujchunguichijchu, ama fuerza illaj tucunguichijchu.

DEUTERONOMIO 3:1

Chaimanta tigramushpaca ñucanchijca Basanman rina ñantami huichiyamurcanchij. Chaipimi Basan llajtata jatun mandaj Ogca tucui paipaj cajcunahuan Edrei pueblopi ñucanchijhuan macanacungapaj tupanaman llujshimurca.

DEUTERONOMIO 3:11

Yallitaj jatun runacunapuramantaca Basán llajtata jatun mandaj Og runallami saquirirca. Paipaj camaca fierromanta rurashcami carca. ¿Manachu Amón llajtapi caj Rabá pueblopi chaica tiyacun? Chai camaca sunimanca chuscu metro pichca centímetro, anchomanca shuj metro pusaj chunga centimetromi. Shuj runapaj codo medidapi medishcami carca.

DEUTERONOMIO 31:6

Fuerzarichij, c'ari c'ari caichij, ama manchaichijchu. Paicunataca ama imata manchanguichijchu. Mandaj Dios cancunapaj Taita Diosmi cancunahuanca ringa. Paica cancunataca manataj saquingachu, manataj shitangachu” nircami.

DEUTERONOMIO 7:17

Cancunapaj shungupica: Cai llajta runacunaca ñucanchijta yalli achcacunamari. ¿Maitataj paicunataca tucuchishunri? ninguichijmi.

DEUTERONOMIO 7:18

Paicunataca ama manchanguichijchu. Ashtahuanpish Mandaj Dios ñucanchij Taita Dios faraontapish, Egiptopi tucui causajcunatapish imata rurashcataca alli yuyarichij.

DEUTERONOMIO 7:21

Paicunataca ama manchaichijchu. Mandaj Dios cancunapaj Taita Diosca cancunapaj chaupipimi. Paica manchana jatun Taita Diosmi.

DEUTERONOMIO 7:24

Paicunapaj jatun mandajcunatapish, paimi cancunapaj maquipi churanga. Cai pachapi paicunapaj shuticunataca cancunami p'ichanguichij. Tucui paicunata chingachingacama cancunahuanca pi mana ch'imbapurai tucungachu.

JOSUÉ 10:25

Chaipimi israelcunataca Josueca: “Cancunata p'iñajcunataca ama manchaichijchu, ama chujchuichijchu. Ashtahuanpish c'ari c'ari caichij. Cancunata p'iñajcunataca Mandaj Diosca, tucuicunatami chashnallataj ruranga” nirca.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 8:7

Chai pueblomanta paicuna ña caruyajpica, cancunaca miticushcamanta llujshishcahuan chai pueblota llaquichingapaj yaicunguichijlla. Mandaj Diosca chai pueblotaca cancunapaj maquipimi churanga.

JUECES 11:30

Jefteca Mandaj Diostaca: “Amonitacunata can ñuca maquipi churajpi,

1 SAMUEL 23:4

Chaimi Davidca, cutinllataj Mandaj Diosta tapujpi Mandaj Diosca: –Jatari, Keila puebloman uriyai. Ñucami filisteocunataca cambaj maquipi churasha– nijpimi,