NÚMEROS 21:33 - Dios Rimashca Shimicunami

³³ Chaimanta tigrashpaca israelcunaca Basanman rina ñantami huichiyarcacuna. Chaimi Basán llajtata jatun mandaj Ogca, tucui paipaj gentecunata tandachishpa israelcunahuan macanacungapaj llujshishpa Edrei pueblopi israelcunahuan macanacurca.

NÚMEROS 21:33 Iomraidhean Croise

SALMOS 135:11

Amorreocunata jatun mandaj Sehontapish, Basanta jatun mandaj Ogtapish huañuchircami. Canaanpi caj tucui jatun mandajcunatapish huañuchircami.

SALMOS 136:20

Basanta jatun mandaj Ogta huañuchijta alabaichigari. Pai llaquij canaca huiñaipajmari.

SALMOS 22:12

Ñucataca achca huagracunamari muyunchishca. Basán llajta p'iña huagracunami ñucataca muyunchishca.

SALMOS 68:15

Basán urcucunaca, yallitaj jatuncunamari. Chai urcupaj puntacunaca yallitaj shayacuj puntamari.

SALMOS 68:22

Jatun Diosca: “Basanmantami cantaca tigrachisha. Mama cucha yacu ucujmantami cantaca tigrachisha.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

EZEQUIEL 27:6

Barcota purichina caspicunatapish, Basán llajtamanta encina caspicunatami rurarcacuna. Tiyarinacunataca, Quitim llajta c'uchumanta apamushca pino caspicunapi mirga marfilcunata churashpami rurarcacuna.

EZEQUIEL 39:18

C'ari c'ari runacunapaj aichatami micunguichij, llajtata mandajcunapaj yahuartami ubyanguichij. Paicunaca Basán urcupi huirayashca carnerocuna, malta c'ari ovejacuna, c'ari chivocuna, novillocuna, torocuna shinami.

AMÓS 4:1

Samaria urcupi causaj huarmicuna, cancunaca Basán llajta vacacuna shinami canguichij. Caita alli uyaichij: Cancunaca imata mana charij huajchacunataca, quichushpa jatunta llaquichijcunami canguichij. Cancunapaj cusacunatapish, machangapaj vinota apamuichij nishpa mañajcunami canguichij.

NÚMEROS 32:33

Chashnami Moisesca Gadpaj, Rubenpaj aillucunamanpish, Josepaj churi Manasespaj chaupi aillumanpish amorreocunata jatun mandaj Sehón mandacushca llajtata, Basán llajtata jatun mandaj Og mandacushca llajtata curca. Chai pueblocunataca tucui chai llajta allpacunandijmi curca.

DEUTERONOMIO 1:4

Hesbonpi causaj amorreocunata jatun mandaj Sehonta, Edrei llajtapi caj Astarot pueblopi causaj Basanta jatun mandaj Ogta mishashca q'uipami caicunataca huillarca.

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

DEUTERONOMIO 29:7

Cai llajtaman ña chayamujpica, Hesbonta jatun mandaj Sehonpish, Basanta jatun mandaj Ogpishmi ñucanchijhuan macanacunaman llujshircacuna. Ashtahuanpish ñucanchijmi paicunataca misharcanchij.

DEUTERONOMIO 32:14

Vacapaj mantequillata, ovejacunapaj lechetami cararca. Malta ovejacunapaj huirata, Basán carnerocunapaj, chivocunapaj aichatami cararca. Ashtahuan alli trigotami cararca. Uvapaj yahuarta capishca vinotami ubyarchirca.

DEUTERONOMIO 4:47

Israelcunaca jatun mandaj Sehonpaj llajtatapish, Basanta jatun mandaj Ogpaj llajtatapishmi japircacuna. Jordán yacumanta inti llujshin ladoman caj amorreocunata ishqui jatun mandajcunapaj llajtacunami carca.

JOSUÉ 12:4

Og shuti jatun mandajca, Basán llajtatami mandacurca. Paica refaitacunapuramanta saquirishcami carca. Paica Astarot, Edrei pueblocunapimi causarca.

JOSUÉ 13:12

Og shuti jatun mandaj mandacun Basán llajtatapishmi curca. Chai jatun mandajca Astarot pueblopi, Edrei pueblopimi causaj carca. Paica refaitacunamanta saquirishcami carca. Chaicunataca Moisesmi mishashpa ña llujshichishpa cachashca carca.

JOSUÉ 13:30

Paicunapaj llajtacunaca Mahanaimmantaca, Og shuti jatun mandaj mandacushca tucui Basán llajtapish, Basán llajtallapitaj caj Jair runapaj sujta chunga pueblocunandijmi paicunapaj carca.

JOSUÉ 9:10

Jordán jatun yacu ch'imbanijpi caj Hesbón pueblopi causaj amorreocunata jatun mandaj Sehontapish, Basán llajtapi causaj amorreocunata jatun mandaj Ogtapish imallata rurashcatami yacharcanchij. Chai jatun mandajca Astarot pueblopimi causarca.