NÚMEROS 21:29 - Dios Rimashca Shimicunami

²⁹ ¡Moab llajtalla, aij imataj tucurcanguiyari! Quemos diospaj gentecunalla chingarishcamari. Quemos diosca paipaj churicuna miticushpa richunpish saquishcallamari. Paipaj ushushicunata amorreocunata jatun mandaj Sehón prezu apachunpish saquishcallamari.

NÚMEROS 21:29 Iomraidhean Croise

1 REYES 11:33

Salomonca sidoniocunapaj Astoret huarmi diosta, moabitacunapaj Quemos diosta, amonitacunapaj Moloc diosta adorashpami ñuca chaitataj pajtachichun nishcata mana pajtachishpa, pajtachinguitaj nishcatapish mana pajtachirca. Paipaj yaya David maiman mana anchurishpa, purishca shinaca mana ñuca ñanpi purishpami ñucamanta anchurirca.

1 REYES 11:7

Chashna cashpami Salomonca Jerusalén ch'imbapurapi caj urcupi millanana manapish dios caj Moabitacunapaj Quemos nishca diospaj shuj altarta rurarca. Millanana manapish dios caj amonitacunapaj Moloc nishca diospajpish shuj altartami rurarca.

2 REYES 23:13

Jatun mandaj Josiasca Jerusalén ch'imbapurapi caj chingarinapaj urcu alli ladopi caj altarcunatapishmi yangata rurarca. Chai altarcunataca israelcunata jatun mandaj Salomonmi sidoniocunapaj Astoret millanana rurashcalla diosta, moabitacunapaj Quemos millanana rurashcalla diosta, amonitacunapaj Milcom millanana rurashcalla diosta yuyarichun rurachishca carca.

ISAÍAS 15:5

Chaipica Moabmantaca caparishpami huacasha. Chai llajtamanta llujshishpa rijcunaca, Zoarcamami miticushpa ringacuna. Paicunaca quimsa huatayuj huagra shinami ringacuna. Luhit huichitami huacaihuan huichiyangacuna. Horonaimman rina ñantaca llaquichishcamanta huacanata huacaihuanmi ringacuna.

ISAÍAS 16:2

Pájaro mancharishpaca paipaj tazinta shitashpami miticugrin. Moabcunapish chai shinallatajmi, Arnón yacuta maitami ch'imbanallacunata miticushpa ringacuna.

JEREMÍAS 48:13

Chashna rurajpica Moab llajtapi causajcunaca, Quemosta yanga charishcamanta pingai tucungacunami. Israelcuna Bet-elpi shunguta churashpa causashca cashpapish, llaqui tucushpa pingai tucushca shinallatajmi pingaringacuna.

JEREMÍAS 48:45

Shaicushca callpacujcunaca, Hesbón pueblopimi miticugrircacuna. Ashtahuanpish Hesbón pueblomantaca lunyacuj ninamari llujshinga. Sehonpaj pueblo chaupimanta nina llujshishpami, Moab llajtataca mirga urita rupachinga. C'ari tucushpa caparirijcunaca umacamamari rupangacuna.

JEREMÍAS 48:46

¡Aij, Moab llajtapi causajcunalla, Quemos diospaj cajcunaca chingarishcanguichijmari! Cancunapaj churicunatapish, ushushicunatapish shujtaj llajtamanmari prezu aparcacuna.

JEREMÍAS 48:7

Cancunaca imalla charishcallapi, cullquillapimari shunguta churarcanguichij. Chaimantami cancunapish shujtajpaj maquipi urmanguichij. Cancunapaj Quemos shuti diospish paipaj curacunandij, paipaj mandajcunandij prezu apashca cangami.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.