NÚMEROS 21:25 - Dios Rimashca Shimicunami

²⁵ Israelcunaca amorreocunapaj tucui pueblocunatami japircacuna. Hesbón pueblotapish muyundij uchilla pueblocunandij japishpami chaipi causarcacuna.

NÚMEROS 21:25 Iomraidhean Croise

CANTARES 7:4

Cambaj cungaca, marfilhuan shayachishca torre shinamari. Cambaj ñahui luluncunaca, Hesbón pueblopi Bat-rabim shuti pungu c'uchupi tiyaj yacu tanquecuna shinamari. Cambaj singaca Libanopi tiyaj torre, Damasco pueblota ricucuj shinamari.

ISAÍAS 15:4

Hesboncunapish, Elealecunapish caparingacunami. Paicuna caparishcaca Jahaza pueblocamami uyaringa. Chaimi Moabpaj alli macanacuj soldadocunapish caparingacuna. Paicunapaj almapish chujchucungami.

JEREMÍAS 48:2

Cunanca Moabpi causajcunaca, ña mana jatun tucungacunachu. Paicunata p'iñajcunaca Hesbón pueblopimari: Jacuchij chai llajtata tucuchishunchij nishpa yuyarinacushca. Madmena pueblolla, canpish tucuringuillatajmi. Canpi causajcunataca espadahuanmari huañuchigringacuna.

JEREMÍAS 48:34

Hesbón pueblopi causajcunaca, Eleale puebloman uyarijtamari caparirishpa huacarcacuna. Jahaza pueblocamapishmi uyarirca. Nimrim shuti yacucunapish chingachishca cangami. Chaimantami Zoar pueblopi causajcunapish quimsa huatayuj vaquilla yacunachicuj shina, Horonaim puebloman uyarijta huacarcacuna.

JEREMÍAS 48:45

Shaicushca callpacujcunaca, Hesbón pueblopimi miticugrircacuna. Ashtahuanpish Hesbón pueblomantaca lunyacuj ninamari llujshinga. Sehonpaj pueblo chaupimanta nina llujshishpami, Moab llajtataca mirga urita rupachinga. C'ari tucushpa caparirijcunaca umacamamari rupangacuna.

EZEQUIEL 16:46

Cambaj punta ñañaca, Samariami. Paica paipaj ushushicunandijmi, cambaj janaj ladoman causacun. Cambaj q'uipa ñañaca Sodomami, paica paipaj ushushicunandij cambaj ura ladomanmi causacun.

EZEQUIEL 16:49

Cambaj ñaña Sodomaca jatun tucushcami carca, micunatapish achcatami charirca, q'uillami carca. Chashna cashpami paipish, paipi causajcunapish, llaquihuan cajcunatapish, huajchacunatapish mana ayudarcacuna.

EZEQUIEL 16:53

Sodoma pueblomanta, paipaj muyundij pueblocunamantapish, Samaria pueblomanta, paipaj muyundij pueblocunamantapish, cambaj pueblomanta prezu apashcacunatapish ñucami tigrachimusha.

AMÓS 2:10

Ashtahuanpish cancunataca ñucamari Egipto llajtamanta llujshichircani. Ñucamari shitashca pambataca, chuscu chunga huatacunata pusharcani. Amorreocuna causacun llajtata japichunmi, chashna pusharcani.

NÚMEROS 21:26

Amorreocunata jatun mandaj Sehonca, Hesbón pueblopimi causarca. Paica ñaupamanmi Moab llajtata jatun mandajhuan macanacushpa mishashpa Moab llajtataca Arnón jatun yacucama quichushca carca.

NÚMEROS 21:31

Israelcunaca amorreocunata chashna mishashpami chai llajtapi causarcacuna.

NÚMEROS 32:3

–Riquichigari, Atarot, Dibón, Jazer, Nimra, Hesbón, Eleale, Sebam, Nebo, Beón shuti llajtacunapi causajcunataca,

DEUTERONOMIO 2:12

Seirpica horeocunami ñaupamanca causajcuna carca. Mandaj Dios paicunapajtaj cachun cushca llajtata israelcuna ima shina rurashca shinallatajmi Esaupaj huahua huahuacunaca paicunataca paicunapaj ñaupajmanta llujshichishpa cachashpa chaipi causarcacuna).

JOSUÉ 24:8

Chaimantaca Jordán jatun yacumanta inti llujshin ladoman caj amorreocunapaj llajtamanmi pushamurcani. Chaipimi amorreocunaca cancunahuan macanacungapaj jatarircacuna. Shina cajpipish paicunataca cancunapaj maquipi ñuca churajpimi, misharcanguichij. Paicunapaj allpataca cancunapaj cachunmi japircanguichij ninmi.

JUECES 11:26

Israelcunaca Hesbón pueblopipish chai muyundij llajtacunapipish, Aroer pueblopipish chai muyundij llajtacunapipish, Arnón jatun yacu uripi caj tucui pueblocunapipish ñamari, 300 huatacunata causancuna. Chai llajtacuna cancunapaj cajpica, chai tucui huatacunapica ¿ima nishpataj mana tigrachichircanguichigari?