NÚMEROS 21:24 - Dios Rimashca Shimicunami

²⁴ Chaipimi israelcunapish amorreocunata espadahuan huañuchishpa paicunapaj llajtataca Arnón jatun yacumanta callarishpa Jaboc jatun yacucama, Amón llajtapaj lindecunacama quichurcacuna. Amón llajtapaj lindeca sinchi pircata rurashcami carca.

NÚMEROS 21:24 Iomraidhean Croise

GÉNESIS 32:22

Ashtahuanpish Jacobca chai tutallataj jatarishpami, paipaj ishqui huarmicunata, paicunapajta ruraj ishqui huarmicunata, paipaj chunga shuj churicunatapish pushashpa Jaboc shuti yacutaca maitami ch'imbanallata ch'imbarcacuna.

NEHEMÍAS 9:22

Mandanacunatapish, chai llajtapi causajcunatapish paicunapaj maquipimi churashcangui. Chai llajtataca chaupishpa chaupishpami paicunaman cushcangui. Chaimantami jatun mandaj Sehón mandacun Hesbón llajtatapish, jatun mandaj Og mandacun Basán llajtatapish paicuna japishcacuna.

SALMOS 136:19

Amorreocunata jatun mandaj Sehonta huañuchijta alabaichigari. Pai llaquij canaca huiñaipajmari.

AMÓS 2:9

Ashtahuanpish ñucamari, amorreocunataca paicunapaj ñaupajmanta chingachircani. Paicunataca, cedro yura shina jatun cajpipish, encina yura shina sinchi cajpipish ñucami chingachircani. Paicunapaj muyucunatapish, sapicunatapish chingachircanimi.

NÚMEROS 21:13

Zeredmanta rishpaca Arnón jatun yacu ch'imba ladopimi carpa huasicunata shayachishpa tiyarirca. Arnonca amorreocunapaj llajtamanta llujshina shitashca pambapimi. Moab llajtahuan, amorreocunapaj llajtahuan lindeca Arnón jatun yacumi.

DEUTERONOMIO 1:4

Hesbonpi causaj amorreocunata jatun mandaj Sehonta, Edrei llajtapi caj Astarot pueblopi causaj Basanta jatun mandaj Ogta mishashca q'uipami caicunataca huillarca.

DEUTERONOMIO 29:7

Cai llajtaman ña chayamujpica, Hesbonta jatun mandaj Sehonpish, Basanta jatun mandaj Ogpishmi ñucanchijhuan macanacunaman llujshircacuna. Ashtahuanpish ñucanchijmi paicunataca misharcanchij.

DEUTERONOMIO 3:16

Rubenpaj, Gadpaj aillucunamanca Galaad llajtahuan Arnón yacu huaicuhuan caj llajtacunatami curca. Chaupi pugru pambacunandij Jaboc yacu huaicucamami curcani. Paicunapaj c'uchulla llajtaca amonitacunapaj llajtami carca.

DEUTERONOMIO 31:4

Mandaj Diosca chai llajtapi causajcunataca, amorreocunata jatun mandaj Sehonta, jatun mandaj Ogta, paicuna mandacushca llajtacunandij chingachishca shinallatajmi chingachinga.

DEUTERONOMIO 4:46

Moisesca Jordán yacumantaca, inti llujshin ladopi caj Bet-peor pueblo ch'imbanij pugru pambapi cashpami caitaca yachachirca. Chai puebloca Hesbonpi causaj amorreocunata jatun mandaj Sehonpaj llajtapimi carca. Paitami Moisesca israelcunahuan Egiptomanta llujshichimucushpa macanacushpa misharca.

JOSUÉ 13:12

Og shuti jatun mandaj mandacun Basán llajtatapishmi curca. Chai jatun mandajca Astarot pueblopi, Edrei pueblopimi causaj carca. Paica refaitacunamanta saquirishcami carca. Chaicunataca Moisesmi mishashpa ña llujshichishpa cachashca carca.

JOSUÉ 24:8

Chaimantaca Jordán jatun yacumanta inti llujshin ladoman caj amorreocunapaj llajtamanmi pushamurcani. Chaipimi amorreocunaca cancunahuan macanacungapaj jatarircacuna. Shina cajpipish paicunataca cancunapaj maquipi ñuca churajpimi, misharcanguichij. Paicunapaj allpataca cancunapaj cachunmi japircanguichij ninmi.

JOSUÉ 9:10

Jordán jatun yacu ch'imbanijpi caj Hesbón pueblopi causaj amorreocunata jatun mandaj Sehontapish, Basán llajtapi causaj amorreocunata jatun mandaj Ogtapish imallata rurashcatami yacharcanchij. Chai jatun mandajca Astarot pueblopimi causarca.

JUECES 10:11

Mandaj Diosca israelcunataca: “Egipto runacuna, amorreocuna, amonitacuna, filisteocuna,

JUECES 11:13

Jefté cachashcacunamanca amonitacunata jatun mandajca: “Egiptomanta huichiyamucushpami israelcunaca ñuca allpataca Arnón jatun yacumanta Jaboc yacucama, Jordán yacucamapish quichurcacuna. Cunanca chai allpataca alli shungu ñucaman tigrachi” nircami.

JUECES 21:8

“Mandaj Diospaj ñaupajpi Mizpa pueblopi tandanacui punllaca, ñucanchij Israel aillupuramanta ¿maijan mana shamuj tiyanchu imashi?” nishpami tapunacurcacuna. Chaimi Jabes-galaad pueblopi causajcuna chai tandanacuiman shujllapish mana shamushcata yuyarircacuna.