NÚMEROS 21:16 - Dios Rimashca Shimicunami

¹⁶ Arnón jatun yacumantaca Beermanmi rircacuna. Chai pugyupimi Mandaj Diosca Moisestaca: “Israelcunata tandachi, yacuta cusha” nirca.

NÚMEROS 21:16 Iomraidhean Croise

GÉNESIS 21:19

Taita Dios Agarpaj ñahuita pascajpi, shuj pugyu yacuta ricushpami, paica chaiman rishpa capachupi yacuta jundachishpa paipaj churiman ubyachirca.

ÉXODO 17:6

Ñucaca Horeb peña urcu jahuaman ñaupashpa rishpami, chaipi canta shuyacusha. Chai peña urcupi can huajtajpica, tucui paicuna ubyachun yacu llujshingallami– nircami. Moisesca israelcunata cunaj yuyajcunapaj ñaupajpimi chashna rurarca.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 15:8

Paicuna llaquihuan cashpa caparishcaca Moab lindecunacamami uyarirca. Eglaimcamami paicuna sinchita caparishcaca uyarirca. Beer-elimcamami paicuna aij nishpa caparishcaca uyarirca.

ISAÍAS 43:20

Ñuca agllashcacuna ubyachun shitashca pambacunapi yacucunata surcujpi, ima mana p'ucun chaquishca allpapi jatun yacucunata surcujpica, manchanana animalcuna, chacalcuna, avestruzpaj huahuacunami ñucataca alabangacuna.

ISAÍAS 49:10

Chaipica yaricaipish, yacunaipish mana japingachu. Intipish mana t'itashpa llaquichingachu. Paicunata llaquij Diosmari tucuimanta huaquichinga. Pajchacuj yacucunamanmi pushanga.

NÚMEROS 20:8

“Cambaj tauna caspita japi. Cambaj huauqui Aaronhuan ishqui tucushpa tucui israelcunata tandachishpa paicunapaj ñaupajpi peña urcuta rimai. Peña urcuta rimajpica yacuca llujshingallami. Chai yacutaca israelcunapish, paicunapaj animalcunapish ubyachunllacuna” nircami.

NÚMEROS 33:46

Dibón-gadmanta rishpaca, Almón-diblataimman chayashpami, carpa huasicunata shayachishpa tiyarircacuna.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

JUECES 9:21

Chaimantaca Jotamca, paipaj huauqui Abimelecta manchashpami, Beer pueblopi miticushpa causagrirca.