NÚMEROS 20:8 - Dios Rimashca Shimicunami

⁸ “Cambaj tauna caspita japi. Cambaj huauqui Aaronhuan ishqui tucushpa tucui israelcunata tandachishpa paicunapaj ñaupajpi peña urcuta rimai. Peña urcuta rimajpica yacuca llujshingallami. Chai yacutaca israelcunapish, paicunapaj animalcunapish ubyachunllacuna” nircami.

NÚMEROS 20:8 Iomraidhean Croise

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

NEHEMÍAS 9:15

Yaricaihuan cajpipish, jahua pachamanta micunatami cararcangui. Yacunaihuan cajpipish, peña urcumanta yacuta llujshichishpami curcangui. Ñuca cusha nishca allpaman yaicushpami chai allpataca quiquinpajta ruranguichij nishcanguimi. Chai llajtataca cancunamanmi cusha nishpaca pajtachishatajmi nishcanguimi.

SALMOS 105:41

Peña urcutami chaupirca, yacucunami llujshirca. Chaquishca pambacunatapish, jatun yacumi callparca.

SALMOS 114:8

Paimi rumi urcutaca yacu tanqueta rurarca. Paimi rumi c'aca quinripica yacuta pajchachirca.

SALMOS 33:9

Tucui imatapish tiyachun nijpica, tucuimi rurarirca. Pai mandajpica tucuimi tiyarca.

ÉXODO 14:16

Israelcuna cucha chaupita chaquishca allpata ch'imbachun, canca cambaj caspita alzashpa, cambaj maquita cucha ladoman chutashpa yacuta ishquindij ladoman chaupi.

ÉXODO 17:9

Chaipimi Moisesca, Josuetaca: –Israelcunapuramanta maijan runacunata agllashpa, amaleccunahuan macanacunaman llujshi. Ñucaca cayaca Diospaj caspita ñuca maquipi apashcami, urcu puntapi casha– nirca.

ÉXODO 4:17

Cai caspitaca apangui. Chaihuanmi milagrocunata rurashpa ricuchingui– nircami.

ÉXODO 4:2

Mandaj Diosca: –¿Cambaj maquipi charicunca imatagari?– nijpi Moisesca: –Shuj caspillatami charicuni– nirca.

ÉXODO 4:20

Chaimi Moisesca paipaj huarmita, paipaj huahuacunatapish burropi tiyachishpa Egiptoman tigrarca. Moisesca Taita Diospaj caspitapish aisashcami rirca.

ÉXODO 7:20

Moisespish, Aaronpish Mandaj Dios nishca shinallatajmi rurarcacuna. Aaronca pai charicushca caspihuan faraonpaj, faraonpajta rurajcunapaj ñaupajpi jatun yacuta huajtajpica, tucui chai yacucunami yahuar tucurca.

ISAÍAS 43:20

Ñuca agllashcacuna ubyachun shitashca pambacunapi yacucunata surcujpi, ima mana p'ucun chaquishca allpapi jatun yacucunata surcujpica, manchanana animalcuna, chacalcuna, avestruzpaj huahuacunami ñucataca alabangacuna.

ISAÍAS 48:21

Shitashca pambata pushamucushpapish, yacunaihuantaca mana pushamurcachu. Jatun rumimantami yacuta llujshichirca. Jatun rumita chaupijpica jatun yacumi pajcharca.

NÚMEROS 20:11

Moisesca, paipaj maquita alzashpa pai charicushca tauna caspihuanmi peña urcutaca ishqui cutin garrotirca. Chaipi achca yacu llujshijpimi israelcunapish, paicunapaj animalcunapish yacuta ubyarcacuna.

NÚMEROS 20:7

Mandaj Diosca Moisestaca cashnami nirca:

NÚMEROS 21:15

Ar puebloman uriyaj yacucunapi imallata rurashcatami” huillan. Chai yacuca Moab llajta linde chaipimi tupanacun.

NÚMEROS 21:18

Mandajcunaca mandana caspihuanmi allarcacuna. Israelcunata pushajcunaca paicunapaj taunacunahuanmi allarcacuna” nircacunami. Israelcunaca shitashca pambamantaca Matana shuti pueblomanmi rircacuna.

Mateo 21:21

Chaimi Jesusca: –Mana caita chaita yuyashpa crishpaca, cai higo yurata chaquichishca shinallaca mana ruranguichijmanchu. Ashtahuanpish cai urcuta: “¡Caimanta anchushpa, mama cucha yacupi siririgri”! nijpica chashna tucunmanllami. Chaica chashnatajmi canga.

Lucas 11:13

Cancunaca mana allicuna cashpapish, cancunapaj huahuacunamanca imatapish allitamari cunguichij. ¿Manachu jahua pachapi caj cancunapaj Yayacarin jucha illaj Espirituta cuhuai nishpa mañajcunamanca cungalla?– nircami.

Juan 16:24

Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.

Hechos 1:14

Tucui paicunami maijan huarmicunandij, Jesuspaj mama Mariandij, Jesuspaj huauquicunandij shuj yuyailla tucushpa Taita Diosta mañashpa rogacurcallacuna.

JOSUÉ 6:20

Curacuna bocinapi tocajpica, tucui israelcunaca sinchitami caparircacuna. Paicuna tocashcacunapish, sinchita caparishcacunapish uyarijpica, chai pueblo muyundij pircacunaca urmarcallami. Chai pircacuna urmajpica, tucui israelcuna paicuna ricushca derechota huichiyashpami llaquichingapaj yaicurcacuna.

JOSUÉ 6:5

Carneropaj gachu bocinacunapi sinchita tocashca uyarijpica, tucui cancuna sinchita caparinguichij. Chashna rurajpica, chai pueblo muyundij pircacunaca urmangallami. Ña urmajpica, tucui cancuna ricushca derechota chai pueblopi causajcunata llaquichingapaj yaicunguichij” nirca.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.