NÚMEROS 20:24 - Dios Rimashca Shimicunami

²⁴ “Aaronca ñaupa yayacunahuan tandanacunamanmi ña rigrin. Cancunaca yacu illan nishpa p'iñanacuipimi ñuca mandashcata mana cazurcanguichij. Chaimanta paica israelcunaman ñuca cushca llajtamanca mana yaicungachu.

NÚMEROS 20:24 Iomraidhean Croise

GÉNESIS 15:15

Canca yuyajyangacama sumajta causashpa ima llaqui illajllami huañungui. Chashnami canca cambaj ñaupa yayacunahuan tandanacugringui.

GÉNESIS 25:17

Ismaelca, 137 huatacunatami causarca. Huañushpaca paipaj ñaupa yayacunahuanmi tandanacugrirca.

GÉNESIS 25:8

Abrahamca uni huatacunata causashpa yallitaj yuyaj tucungacama causashpami huañurca. Huañushpaca paipaj ñaupa yayacunahuanmi tandanacugrirca.

GÉNESIS 35:29

Isaacca uni huatacunata, yallitaj yuyajcamami causarca. Isaacca espíritu paimanta llujshijpi huañushpaca, paipaj ñaupa gentecunahuanmi tandanacugrirca. Paitaca paipaj churi Esaú, Jacobmi pambarcacuna.

GÉNESIS 49:29

Chai q'uipaca paipaj churicunataca cashna nishpami mandarca: “Ñucaca ñuca ñaupa yayacunahuanmi tandanacugrini. Ñucataca heteo Efronpaj allpapi caj jutcupi, ñuca ñaupa yayacunata maipi churashcallapitaj churanguichij.

GÉNESIS 49:33

Jacobca paipaj churicunata chashna mandashpaca, camapi siririshpa chaquicunata tandashpa samaita aisashpaca paipaj ñaupa yayacunahuan tandanacugrircallami.

2 CRÓNICAS 34:28

Chaimanta cai llajtapi causajcunapajman ñuca apamushpa tucui llaquicunataca cambaj ñahuicunaca mana ricungachu. Cantaca cambaj ñaupa yayacunahuan tandachingapajca ñuca munashca punllapimi pushasha. Cantaca sumajtami, pambangacuna ninmi Mandaj Diosca ninguichij– nircami. Chashna nishcataca paicunaca tucuitami jatun mandajmanca huillagrircacuna.

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

NÚMEROS 20:26

chaipi Aaronpaj churanacunata llujshichishpa, paipaj churi Eleazarman churachi. Aaronca paipaj ñaupa yayacunahuan tandanacugringapaj chaipimi huañunga” nircami.

NÚMEROS 20:5

Cai jatun llaqui llajtaman pushamungapajllamari Egiptomantaca ñucanchijtaca huichiyachimushcanguichij. Cai llajtapica higocunata, uvacunata, granadacunata tarpuna allpacunaca mana tiyanchu. Ubyanapaj yacullapish mana tiyanchu– nircacunami.

NÚMEROS 27:13

Chai llajtata ricushca q'uipaca, cambaj huauqui Aarón shinallataj cambaj ñaupa yayacunahuan tandanacugringuillami.

NÚMEROS 31:2

“Madianitacuna israelcunata llaquichishcamanta paicunatapish llaquichichij. Chai q'uipaca cambaj yayacunahuan tandanacugringuillami” nircami.

NÚMEROS 4:27

Gersonpaj huahua huahuacunaca Diospajta imallata ruranapica Aaronpish, paipaj churicunapish ima shinalla mandashca shina rurachuncuna. Paicuna imallata rurachun nishca shina, imallata apachun nishca shina rurachuncuna. Chaimanta cancunami ima shinalla ruranata yachachishpa paicunamanca mingana canguichij.

DEUTERONOMIO 32:50

Chai urcunaman huichiyashpami chaipi huañungui. Cambaj ñaupa yayacunahuanmi tandanacugringui. Cambaj huauqui Aarón Hor urcupi huañushpa paipaj ñaupa yayacunahuan tandanacugrij shinallatajmi tandanacugringui.

DEUTERONOMIO 33:8

Levita alli cashca canguichijman nishpaca cashnami nirca: “Mandaj Dioslla Tumimpish quiquinpajmi, Urimpish quiquinpajmi. Chaitaca can yuyailla causaj Levipaj maquipimi churarcangui. Pai ima shina cajtaca Masahpimi ricurcangui. Meriba yacupimi achcata rimanacurcangui.

JOSUÉ 2:9

–Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.